مدنی جماعهچیلیکنینگ قطار فعاللری، افغانستان پولیس چهار چوبهسیده عیال پولیسلر حضوری نمادین دیگنلر.
افغانستان ایچکی ایشلر وزیرلیگینینگ حساباتیده 2700 عیال پولیس اوشبو وزیرلیک چهار چوبهسیده خذمت قیلهدی و اولرنینگ 300تهسی اجیر صفتیده وظیفه قیلهدی.
مدنی فعاللرگه کوره، مذکور رقم افغانستانلیک اون بیش میلیون عیالگه قرهگنده ییترلی ایمس، شونینگدیک عیال پولیس کوچلری سانی کملیگیگه قرهمی اولرنینگ صفتی هم قویی درجهده تورگن.
مدنی جماعهچیلیک ادارهلرینینگ اعلامیهسیده عیال پولیسلر حمایت ایتیلیشی، یرهش، امنیت و عیاللرنینگ اساسی رولی اوستیده تاکیدلنگن. شونینگدیک مذکور اعلامیهده یازیلیشیچه، ایچکی ایشلر وزیرلیگینینگ بلند مرتبهلی لوزاملریگه عیاللرنی ایشگه آلینیشی مذکور وزیرلیکدهگی نمادین نقشلردن سنهلهدی.
افغانستاندهگی سنتی جامعه هر دایم عیاللرنی اجتماعدهگی رولینی معمالر بیلن دوچار قیلگن. افغانستانده اخیرگی وقتلرده آسیا ادارهسی تامانیدن اوتکزیلگن حساباتده افغانستانلیکلرنینگ 41.4% عیال پولیسلرنی ملی پولیس همده ملی اردو صفیده خذمت قیلیشی اوچون راضیلر.
عین حالده، ایچکی ایشلر وزیرلیکنینگ انسان حقلری بوییچه اداره مدیری هارون نورینینگ سوزلریگه قرهگنده، پولیس صفیدهگی عیاللرنینگ وضعیتی جوده تشویشلی دیر و عیال پولیس لر قابلیتی آشیریلیشی اوچون کوپینچه ایشلر عملگه آشیریلگن. اونگه کوره، ایچکی ایشلر وزیرلیگی عیاللر اوچون معین لوازملرنی انابتگه آلگن و شونینگدیک بو قتلم قابلیتی آشیریلیشی اوچون مخصوص برنامهلر نظرده توتگن دیگن.
جناب نورنینگ سوزلریگه قرهگنده، عیال پولیسلر ملی کوچلر صفیگه آلینیشی همده اولر حمایت ایتیلیشی اوچون مملکت بویلب ایش قیلینیشگه احتیاج بار.
افغانستان بیرلشگن ملتلر تشکیلاتی خوفسیزلیک کینگشینینگ 1325 قطعنامهسی اساسیده عیاللرنینگ یرهش و امنیت بوییچه شرطنامهسیگه قول قویگن.
شونینگدیک افغانستان ایچکی ایشلر وزیرلیگینینگ لایحهسی اساسیده افغانستانده عیال پولیسلر سانی 2016- ییلگه قدر بیش مینگگه آشیریلیشی کوتیلهدی.
