طالبان تامانیدن چاهآب، ینگیقلعه، خواجهغار، بهارک تومنلری و تالقان شهری اطرافیده صورت تاپگن هجوملر نتیجهسیده، کمیده 4 مینگ عایله آواره بولگن.
تخار ولایتی کینگش اورین باسری محمد اعظم افضلی نینگ سلاموطندارگه ایتیشیچه، تخار ولایتی نینگ بیرقطار تومنلری یشاوچیلری سونگی اوروشلر باعث، بوتون بارلیکلرینی قولدن بیرگنلر. اونینگ ایتیشیچه، آوارهلر حاضرده تالقان شهری نینگ تینچ منطقهلریده جایلشگن، بیراق یاردم بیرهدیگن نهادلر حاضرگهقدر هیچقندی یاردم بیرمهگن.
تخار ولایتی کینگش اوشبو اعضاسی نینگ ایتیشیچه، کوکچه اطرافیدهگی تومنلر بیلن ارتباط بولمهگنی باعث، مذکور تومنلردن جایسیز بولگنلر وضعیتی خصوصیده بیللی معلومات یوق دیر.
تخار حاکمی سوزلاوچیسی جواد هجری نینگ ایتیشیچه، بهارک و خواجهغار تومنیدن کمیده 4 مینگ عایله تخار مرکزی تالقان شهریده آواره بولگن و آوارهلر ارقامی کوپهیب بارماقده.
جناب هجریگه کوره، چاهآب و ینگیقلعه تومنلریدن آواره بولگنلر رستاق تومنیده جایلشگن.
تخار ولایتی بوییچه طبیعی حادثهلرگه قرشی کورهش ادارهسی باشلیغی فرید احمد نیکپور نینگ ایتیشیچه، اوروشلردن آواره بولگنلر اوچون تالقان شهری نینگ 20 کیلومترلیگیده کمپ ایجاد ایتیلگن.
امنیتی مسووللردن بیرقطاری تخار ولایتیده بارگنلر. اولرنینگ ایتیشیچه، قولدن کیتگن منطقهلرنی طالبان وجودیدن تازهلش اوچون تیزلیککه حربی عملیات یولگه قوییلهدی.
