بوندن بیر ییل آلدین عین کونده ملی بیرلیک حکومتینینگ رهبرلری قسم یاد کیلتیریب ایشگه باشلهگن ایدی. اقتصادنی رواجلنتیریش، اهالینی ایش جایلری بیلن تامینلش رهبرلرنینگ قیلهجک بیرینچی ایشلریدن ایدی؛ اما بوگونکه کونده اقتصادی معما مملکت خلقی نینگ جدی قیینچیلیکلریدن سنهلهدی.
اقتصادی ایش بیلرمانلرگه کوره، ملی بیرلیک حکومتینینگ رهبرلری بیرگن وعدهلری بیر قسمینی حکومت تشکیل ایتیلگن کونلرده عملی قیلگنلر.
سلاموطندار بیلن تیلفونی علاقهده بولیب سوزلهگن اقتصادی ایش بیلرمان محبالله شریف، افغانستان جمهور رییسی و اجراییه ریاستی باشلیغی قومی، سمتی، وحزبی مسالهلر سبب ملی منفعت و اقتصادی منفعتلرنی اونوتیب یوباردیلر دیگن. جناب شریفگه کوره، دنیا عاموی اخبارات واسطهلری هم مذکور معلوماتی اوروشدن فایدهلهنیب افغانستاننی بوندهی بیر حال گه کیلتیردی.
باشقه تامانیدن مملکت صنعتچیلر بیرلشمهسی نینگ ایریم اعضالریگه کوره، بوندن چمهسی بیر ییل آلدی اون ییریک قیینچیلیک جملهدن برشنا شرکتی، ایشلاوچیلر بانکی، قرضدار تعرفهسی اوستیده جمهور رییس بیلن صحبت قیلگن لر، اما اوشبو مسالهدن فقط اوتگن کون صنعتی تعرفهلر مشکلی حل ایتیلگن دیگن.
صنعتچیلر بیرلشمهسی اعضالریدن عبدالرحیم فیضان نینگ سوزلریگه کوره، صنعتی تعرفهلر محصولی اون دن بیشگه کمیگن، لیکن تعرفه بهاسی یوقاری کیتگن. شونینگدیک او مملکتده سرمایه یاتقیزیش میزانی سیزیلرلی روشده کمیگن دیگن.
فیضانگه کوره، بوندن آلدین یوزده – یوز کارخانهلر فعال بولیب محصولات ایشلب چیقارر دی، اما جاری ییلده کارخانهلرنینگ 20% یاپیلگنی سبب ایچکی محصولات ایشلب چیقاریش 40% آزیگن.
نمایندهلر مجلسی اقتصادی کمیسیونی نینگ اعضالریدن شیرولی وردک هم حکومت نی تنقید قیلیب، هنوز هم ملی بیرلیک حکومت رهبرلری ایچکی ضدیتلر بیلن آواره لر دیگن. جناب وردک، جمهور رییس همده اجراییه باشلیغی ایشگه باشله گن پیتده ایش سیزلیکنی یوق قیلیش اوچون سوز بیرگن ایدی، لیکن هنوزگچه هم اوشبو ساحهده اوزگریش کیلمهگن.
سونگی بیر نیچه وقت ایچیده مملکت اهالیسی قشاقلیک همده ایشسیزلیکدن قوتیلیش اوچون خارج مملکتلرگه سفر بر بولدیلر.
اونگه کوره، عبدالله و غنی اهالی دسترخوانی اوزگریشی توغریسیده وعده بیرگن ایدی، بیراق اوتگن بیر ییلده اهالی وضعیتی ایجابی اوزگرمهگن بلکه اهالی دسترخوانیدهگی موجود ناننی هم قولدن بیرگنلر.
صناعت وتجارت اتاغی نینگ مسووللری، مملکتده سرمایه یاتقیزیشنی جلب قیلیش و اقتصادنی رواجلتنیریش حکومت نینگ قیلهجک بیرینچی ایشلریدن ایدی، انه شو سبب جمهور رییسغنی مملکتگه سرمایه یاتقزیش نی جلب قیلیش اوچون ایریم دولتلرگه سفر قیلدی و اوشبو سفر یوتوقلردن هم خالی ایمس دیر.
صناعت و تجارت اتاغی نینگ اورین باسری خانجان الکوزیگه کوره، حکومت تشکیل ایتیلگندن سونگ قانون قتیق شکلده عملگه تطبیق ایتیلیشیگه اوریندی انه سو باعث اقتصادی معمالر ایکی برابرگه آشدی. جناب الکوزی سوزلریگه کوره، جاری ییلده سرمایه تاقیزیش تنقسلیگیگه روپه ره بولگنلر. ایتیلیشیچه دلوت هم مصرفنی تامین ایتیلیشی اوچون ملی تجارلر مالیهسینی آشیرگن. شونینگدیک صناعت و تجارت اتاغی نینگ اورین باسری اوتگن ییلده عادی سرمایه یاتقیزیش 100مینگ دالردن 500 مینگ دالرگچه بولگن. 500 مینگدن 10 میلیونگچه سرمایه سی بولگن 30% و 20 میلیون سرمایهسی بولگنلر 15% ضرر کورگن.
الکوزی جاری ییلده واردات تجارت میزانی کم بولگن، اما صادرات میزانی ایسه یخشی ایکن لیگینی تیلگه آلگن.
تحلیلچیلرگه کوره، افغانستان خلقینی اوتگن بیر ییلده قرشیسیده موجود بولگین قیینچیلیکلر یالغوز اقتصادگه چیکلهنیب قالمیدی، ملی بیرلیک حکومتی نینگ تعلیم و تربیه، امنیت، مخدر مادهلرگه قرشی کورهشیش، گودکلر و عیاللرنی جنسی تجاوز قیلیش و دولت ادارهلریده فساد اوج آلگنلیگی هم اساسی تنقدیلر جملهسیدن دیر.
