ملی بیرلیک حکومت اجرایی باشلیغی داکتر عبدالله عبدالله، اوروشلر جنوبدن اولکه شمالی تامان کیلتیریلیشیده حکومت نینگ قولی بار دییلگن ادعالرنی رد قیلدی.
اجراییه باشلیغی شنبه کون وزیرلر کینگشینینگ دارالانشا باشلیغینی تانیشتیریش مراسمیده، شمالده دوام ایته یاتکن اوروش توغری سیده حکومتگه قرشی اعالرنی رد ایتیب اورغولهشیچه، حکومت، اولکه امنیتینی تامین لشگه مسؤول دیر.
بوندن آلدین بیر قطار ملی کینگش نمایندهلری، حکومت ایچیدهگی ایریم گروهلر، دولتنی جنوبدهگی اوروشلرنی اولکه شمالیده کیلتیریشگه عیبلهگن ایدیلر. اولرگه کوره، حکومت ایچیدهگی گروهلر جنوبدهگی جنگری طالبلرنی اولکه شمالیده کیلتیریب، اوروشنی دوام ایتیشگه قولی بار.
بو نمایندهلرکوپهیتیریشیچه، هرکون بیر مینگدن 15 یوز جنگریلر افغانستان چیگرهسیدن جنوبی ولایتلرده کیریب کیلیب، جهازلنگن دن سونگ هرات ولایتی آرقهلی اولکه شمالیده کیلتیریلهدی.
بیراق اجراییه باشلیغی، اوشبو ادعالرنی سیاسی تبصیره بیلهدی. جناب عبداللهنینگ کوپهیتیریشیچه، ملی بیرلیک حکومتینینگ رهبرلری اولکه ملی منفعتی و امنیتینی تامینلشگه کیلیشگنلر. شونینگدیک ایتیلیشیچه، خلق ارا کوچلری اولکه امنیتی کوچلریگه یاردم بیرهدیلر.
دیمک؛ شنبه کونی بلخ والیسی عطامحمدنور ملی بیرلیک حکومتنی تنقید قیلیب، حکومت شمال دهگی ناتینچلیکلرگه دقت قیلمهگن صورتده، شمالدن تینچ اهالی باش کوترهدی دیگن.
ینه تماندن، ملی بیرلیک حکومت اجرایی باشلیغینینگ ایکینچی اورین باسری محمد محققنینگ ایتیشیچه، طالبلر کوکلم موسمی باشلهنیشی بیلن عزم ناملی عملیات یولگه قوییب، بیرقطار ولایتلرگه زیان ییتکیزگن.
جناب محقق، سونگی ناتینچلیکلرنی ملی بیرلیک حکومت رهبرلرینینگ دقت سیزلیکلریگه نسبت بیرهدی.
اجرایی ریاست ایکینچی اورین باسرینینگ کوپهیتیریشیچه، امنیتی کوچلر یانیده اولکه ثباتی اوچون مجاهدلر هم تاثیر تشلهیدی.
شونینگدیک بلخ ولایتینینگ پولیس باشلیغی سیدکمال ساداتنینگ ایتیشیچه، حاضرگه قدر بو ولایت ایریم منطقهلریده جنگری طالبلر و امنیتی کوچلر آره سیده توقنه شوولر دام ایتماقده.
جناب سادات، بلخ دهگی اوروشلر سببی اولکه شمالیده امنیتی کوچلر سانی آزلیگی دیب بیلهدی. جناب ساداتگه کوره، هر حالده، اولر جنگریلرگه قرشی کورهشیش کوچیگه ایگه. اما امنیتی کوچلر سانی آزلیک عاقبتی خواطرلی دیر.
ملی مدافعه وزیرلیگینینگ رسمیلریگه کوره، امنیتی کوچلر، اولکه ولایتلریدهگی موجود جنگریلرگه قرشی 13 عملیات اویوشتیرگن.
غزنی، هلمند، بغلان، کندز، بدخشان، فراه، فاریاب، سرپل و جوزجان ولایتلری کوکلم موسمی باشلنگنیدن حاضرگه قدر، جنگری طالبلر هجوملریگه گواه بولدی.
