افغانستان تاریخی‌ده‌گی حرفه‌یی و اینگ یامان مجرم رییس خدایداد بوگون شنبه 9- حوت دارگه تارتیلدی.
گزارش‌لرده، رییس خدایداد نینگ دارگه تارتیلیش حکمی بوگون ساعت اون بیر یریم‌ده پلچرخی تورمه سیده صادر ایتیلگنی خبر قیلندی.
خدایداد جاری ییل سنبله آییده افغانستان ملی امنیت اداره سی نینگ مخصوص حربی کوچلری تامانیدن کابل نینگ بیشینچی ناحیه سیده اوتکزیلگن عملیات نتیجه سیده قولگه آلینگن ایدی.
کابل عالی محکمه سی، رییس خدایدادنی اعدام‌گه حکمی نی صادر قیلدی. شونینگ‌دیک اونینگ بیر همکاری 20 ییل ازاد لیک‌دن محروم ایتیلگن. عین حالده، خدایداد نینگ باشقه اوچ همکاری هر بیری 7، 7 ییل قمه‌لیش لری محکمه آرقه لی تصدیق لنگن.
افغانستان نینگ مذکور تَنیقلی مجرمی مملکتده نیچه آدم اوغیرلاووچی گروه‌لرنینگ باشلیغی اوله راق فعالیت قیلگن. مملکت ملی خوف سیزلیک اداره سی، رییس خدایدادنی « اینگ ییریک، خطرناک، ظالم و حرفه‌یی» همده افغانستان معاصر تاریخیده تکرار بولمه گن مافیا باشلیغی بولگن لیگی‌نی بیلدیرگن.
ملی امنیت باشقرمه سی، رییس خدیدادنی اوتگن ییل‌لرده آدم اوغیرلاووچیلیک، گروهی، قتل، قوراللی اوغیرلیک، شونینگ‌دیک آدم اوغیرلاووچیلیک، نیچه ترماق نینگ باشلیغی صفتیده فعالیت قیلگن لیگی‌نی معلوم قیلگن.
شونینگ‌دیک خدایداد کابل قوشیمچه افغانستان نینگ ایریم ولایت لریده بونده‌ی عمل‌لرنی صادر قیلیش مسوولی بولگن.
عین حالده، رییس خدایداد تاجیکستان دولتی همده خلق ارا پولیس (انتر پول) اداره سی نینگ قاره رویخیگه هم آلینگن ایدی.
مملکت ملی خوف سیزلیک اداره سی، رییس خدایدادنی کیشی‌گه خاص بولگن تاکتیک‌لردن فایده لنوچی شخص بولگن لیگی‌نی ایتیشگن. او، کابل، قندوز، قندهار شامل پاکستان، تاجیکستان و عرب امیرلیک‌لر دولتیده ایریم کیم‌لیک‌لردن فایده له نیب یشه گن‌لیگی ایتیله‌دی.
رییس خدایداد کیم؟
خدایداد نامی بیلن تَنیلگن سیدالله خوست ولایتی نینگ یشاووچی‌سی. اونینگ آته سی طبیب بولگن. او، بوندن اون اوچ ییل آلدین افغانستان‌ده ینگی توزوم کوچگه کیریشی بیلن مملکت‌گه کیلیب مافیایی فعالیت‌لرگه باشله گن.
اونینگ ایکی قیزی و تورت اوغلی بولگن. ایریم گزارش‌لرده خدایداد نینگ خانه دانی پاکستان نینگ افغان کالونی منطقه سیده استقامت قیله‌دی دییلگن.
خدایداد 1371- ییلده کابل‌ده بوکس سپورت مرکزی‌نی تاسیس قیلیش بیلن اوغیرلیک‌که باشله گن. شوکبی او طالبلر زمانیده هم اوغیرلیک‌که عیب‌له نیب نیچه ییل آزادلیک‌دن محروم قیلینگن.
خدایداد 1380- ییلده بیر کیشی‌نی اوغیرلب قاچیش نیتده بولگن بیر چاغده ملی کوچلر تامانیدن اوشلب آلینه‌دی. او، کابل امنیه قوماندان‌لیگی نینگ تورمه سیدن قاچیشگه موفق بولگن.
مذکور خطرناک مجرم نینگ مملکت بویلب نیچه سیر سقله نیووچی مرکزی بولگنی ایتیله‌دی.
شونینگ‌دیک خدایداد حبیب استالف‌نی تورمه دن آزاد قیلیش اوچون پیشاوردن کابل‌گه کیلگن لیگی‌نی اوزی اعتراف قیلگن.
افغانستان‌ده‌گی آدم اوغیرلاووچی باشقه بیر گروه نینگ باشلیغی حیبیب استالف 1392- ییل 17 – میزان‌ده قولگه آلینیب، عالی محکمه آرقه‌لی حکمی صادر قیلینیشی بیلن 1393- ییل میزان آیی نینگ 16 – سیده پغمان حادثه سیده عیب‌له نیب قولگه آلینگن بیش کیشی بیلن بیرگه دارگه تارتیلگن ایدی.
