مرکزی بغلان تومنیده تینچ اهالی جنگری طالبلرگه قرشی قیام قیلیب، حکومتدن منطقه امنیتینی تامینلش اوچون قورال جهازلر بیریشینی سورهگن.
قیام قیلگنلرگه کوره، امنیتی کوچلر بو منطقه امنیتینی تامینله آلمهگن، انه شو سبب اوزلری ایشگه کیرگنلر.
قیام قیلگنلردن کوپینچهسی جهادی قومندانلر بولیب، بغلان حاکمیدن طالبلر برابریده قورالدن تجهیزلنتیریشینی سورهگنلر.
قیام قیلگنلردن بیری امیرگلنینگ ایتیشیچه، پولیس امنیتنی تامینله آلمهیدی.
قیام چیلردن ینه بیری ارباب فرامرزگه کوره، جنگریلر، طالب، چیچینلیک و داعش نامی بیلن پاکستان توپراغیدن افغانستانگه کیریب کیلهدی.
مرکزی بغلان تومنی بغلان ولایتینینگ ناتینچ تومنلریدن بیری بولگن؛ اوتکن 13 ییل مابینیده جنگری طالبلر او ییرده نفوذ قیلگن. مذکور تومن بغلان ولایتیدهگی طالبلرنینگ مهم مکانی حسابلنهدی.
بغلان والیسی سلطان محمد عبادی، مرکزی بغلان اهالیسیدن منتدارلیک بیلدیریب، یاردم بیریشگه سوزبیرگن. او شونینگدیک مذکور مسأله توغری سیده خلق ایستهگینی بلند مرتبهلی رسمیلرگه ییتیشتیریش اوچون کمیته تشکیل ایتهدی.
بو قیام، ایکی هفتهدن بویان جنگری طالبلر هجومیگه قرشی مذکور ولایت ایریم تومنلری جملهدن بُرکه، مرکزی بغلان، دهنه غوری و دندغوریده شدتلنگنی باعث یوزبیرگن.
شونینگدیک، بوگون دوشنبه کابلده یوزلرچه اهالی اولکه امنیتی کوچلریدن حمایت بیلدیریب کابل یوللریگه چیقدیلر.
اولر طالبلرگه قرشی شعار بیریب، اولکه ایریم منطقهلریده مذکور گروه تامانیدن اویوشتیریلگن سونگی هجومنی محکوم قیلگنلر.
جوزجان ولایتی هم بوگون شوندهی بیر حرکتلرگه گواه بولدی. مذکور ولایت مدنی فعاللریدن اونلرچهسی اولکه امنیتی کوچلریدن حمایت ایتیشلرینی بیلدیرگنلر.
شونینگدیک اوتکن کون اولکه ایچکی ایشلر وزیری نورالحق علومی، بیرقطار مدنی فعاللر و هنرمندلر بیلن قان بیریب، اولکه امنیتی کوچلریدن اوز حمایتلرینی بیلدیردیلر.
