پنجشیر ولایتیده یوز بیرگن قار کوچگی‌سی نتیجه‌سیده 30 کیشی حیاتدن کوز یومگن و 30 نفر یره لنگن. ایتیلیشیچه، اوشبو طبیعی حادثه‌ده 15 کیشی درک‌سیز یوقالگن.
پنجشیر ولایت سرپرستی عبدالرحمن کبیری، مذکور قار کوچگی‌سی عاقبتیده 43 انسان قار آستیده قالگن لیگینی ایتگن. ولایت سرپرستی مذکور قار کوچیش سابقه سیز بولگن لیگینی بیلدیرگن.
اونگه کوره، قار آستیده قالگن‌لرگه یاردم کورسه‌تیش اوچون محل‌گه ملی کوچلر سفر بر ایتیلگن. ایتیلیشیچه، حاضر ولایت نینگ ایریم ولسوالیک‌لری عمومی یولی مرکز بیلن کیسیلیب قالگن.
عینی گواه لر، ارغچه منطقه‌سیده بیش عایله قار آستیده قالیب، سکیز کیشی عالم‌دن اوتگنی‌نی تیل‌گه آلگن‌لر. شونینگ دیک پریان ولسوالیگی کلکوا قیشلاغی‌ده هم بیر خانه‌دان قار آستیده قالیب کیتگن.
ولایت نینگ اهالی‌سی بو توغریده مرکزی دولت‌دن یاردم سوره گن‌لر. پنجشیر تاغلیک همده افغانستان‌ده ینگیدن تاسیس ولایت‌لردن. قار کوچگی‌سی بو ولایت اهالی‌سی‌نی قیشده تهدید قیله دیگن جدی مساله‌لردن.
