اوتگن «دوشنبه» کون قندوز ولایتی نینگ دشتارچی تومنیده بیر مسجد اوستیگه اویوشتیریلگن هوایی هجوم ده یرهلنگنلردن بیرقطارینینگ ایتیشیچه، اوشبو مسجد ده قرآنکریم حافظلرینینگ دستاربندلیک مراسمی خوفسیزلیگینی تأمینلش طالبلرنینگ مسؤولیتی ایدی. بیراق، هلاک ایتیلگن لرنینگ آره سیده اولر قوشیمچه تینچ اهالی هم بولگن.
عین حالده، 20- پامیر فرقه سوزلاوچیسی غلام حضرت نینگ ایتیشیچه، مذکور واقعهده طالبان گروهینینگ باشلیغلری و قطار چیت ایللیک عصیانچیلر هم هلاک ایتیلگن.
شونینگدیک، بوگون کابلده خبری بیر ییغین اوتکزگن مدافعه وزیرلیگی سوزلاوچیسی محمد رادمنشنینگ ایتیشیچه، قندوز ولایتینینگ دشتارچی تومنیده امنیتی کوچلرنینگ هوایی هجومی ده هیچ بیر تینچ اهالی اولمه گن. جناب رادمنش، تینچ اهالی اولگنینی بوتونلهی رد قیلمهیدی، بیراق ایتیشیچه، تینچ اهالی طالبلر تامانیدن اولدیریلگن.
قندوز حوزهیی کسلخانهسی باشلیغی نعیم منگلنینگ ایتیشیچه، اوتگن کون یوز بیرگن واقعهدن 57 یرهلی و 5 اولیک بو کسلخانه گه انتقال بیریلگن و یرهلنگنلرگه بالهلر هم شامل دیر.
دشتارچی ده یوز بیرگن واقعه قربانلیگی توغریسیده حاضرگچه دقیق رقم قولگه کیریتیلمهگن؛ بیراق اوتگن کون دشتارچی ولسوالی نصرالدین سعدینینگ سلام وطندارگه ایتیشیچه، اویوشتیریلگن هوایی هجوم ده 100 کیشی هلاک و باشقه 200 کیشی یرهلنگن.
