تینیمسیز قار و یاغینگرچیلیکلر سبب مملکت نینگ توقیز ولایتیده اون توقیز دوان یاپیلیب قالگن. بوگون کابلده یولگه قوییلگن مطبوعات انجمنیده سوزله گن عامه فواید وزیرلیگی نینگ سرپرستی نورگل منگل، سونگی کونلرده گی تینیمسیز قار و یاغینگرچیلیکلرسبب افغانستان نینگ توقیز ولایتیده اون توقیز دوان یولاوچیلر یوزیگه بیکیلیب قالگن دیدی.
منگل جنابلری نینگ ایتیشیچه، مذکور دوانلر غزنی، وردک، پروان، بامیان، سرپل، پکتیا، غور، بادغیس، دایکندی و ننگرهار ولایتلریگه قرهشلی دیر.
طبیعی حادثهلر علیهده کوره شیش ملی اداره سی نینگ اورین باسری محمد اسلم سیاس سلام وطنداربیلن اوتکزگن نطقیده، سونگی ایکی کوندهگی قار کوچکینلری همده یوز بیرگن سوو تاشقینلریده تورت کیشی جان بیرگن دیدی. انه شوحالده یاغینگرچیلیکلر هراتدن بادغیس تامان کیله دیگن مسافرلرنی غفلت گه آلگن.
بادغیس والی سینینگ سوزچیسی میرویس میرزکوال سلام وطنداربیلن اوتکزگن صحبتیده، قارده بندقالگن مسافرلرنی 7 ساعتدن کیین قوتقزگنلریدن خبر بیردی.
غور والی سینینگ سوزچیسی عبدالحی خطیبی هم بو ولایت 6 ولسوالیگینینگ یولی ترافیک یوزیگه یاپیلیب قالگنیدن خبر بیرگن. خطیبی سلام وطندار بیلن اوتکزگن صحبتیده، بو یاپیلیب قالگن یوللر آچیش اوچون ایش باشلنگنینی تیلگه آلدی.
دیمک اولکه غرب حوزه سیده هم یاغینگرچیلیکلر باعث، بیرکیشی جان بیرگن و باشقه تورت کیشی هم یره کوترگن.
غرب حوزه سیدهگی طبیعی حادثهلر علیهده کوره شیش اداره سینینگ باشلیغی عبدالحمید مبارز حمیدی، هرات ولایتینینگ شیندند، ادرسکن، غوریان، کشک رباطسنگی، کذره، انجیل، پشتون زرغون و اوبه تومنلریده سونگی ایکی کوندهگی یاغینگرچیلیکلر، کوپلب مالی خساره کیلتیرگن و یاپیلیب قالگن یوللرنی آچیش اوچون ایش باشلنگن دیدی.
طبیعی حادثه علیهده کوره شه دیگن اداره باشلیغلری آسیب کورگنلردن کوپی سیگه یاردم بولگن لیگینی ایتگن.
هر ییللب اولکه ایریم محله سیده قار کوچیشلرگه شاهد بوله میز. بوقارکوچیشلر اونلرچه کیشینینگ جانینی آلیش گه سبب بولهدی، اما کورینیشیچه بو تلفاتلر و مالی خساراتلر آلدی آلینیشی اوچون دولت تامانیدن بیلی بیر برنامه کوزه تیلمیدی.
