.jpg)
مملکتنینگ ایریم سیاسی تحلیلچیلری، افغانستان جمهور رییسینینگ یخشی حکومتچیلیک اوچون مخصوص نمایندهسی احمدضیا مسعود روسیه همکارلیگی بیلن مقاومت کینگشینی ایجاد قیلیش اوچون سعی وحرکت ایتهدی دیگنلر.
نیچه کوندن بیری افغانستان شمالیگه سفر قیلگن جناب مسعود، جهاد قوماندانلری بیلن بولگن اوچره شوویده؛ اولردن امنیتی کوچلر چهار چوبهسیده مجاهدلر مقامت کینگشی نامیده قوراللی طالبلر بیلن اوروش قیلیشگه تیار بولیشلرینی سورهگن.
مملکت شمال و شمال شرقیدهگی جهاد قوماندانلریگه خطاب قیلگن جناب مسعود، ترورچیلیککه قرشی کورهشیش اوچون حکومتنینگ هیچ قندهی ارادهسی یوق، تینچلیک مذاکرهسی کوتگن بولسینگیز «فقط اوزینیگزنی الدهگن بوله سیز» مملکتنی مدافعه قیلیش اوچون تیارلهنیش کیرهک.
.jpg)
شونینگدیک جناب مسعود، قوراللی طالب ینگی ییل بهار آییده ییریک هجوملرنی یولگه قوییش اوچون برنامه توزه یاتگنلیکلری توغریسیده اشاره قیلگن. اونگه کوره، افغان ملی کوچلری هم طالبلرگه قرشی اوروش آلیب باریش کوچیگه ایگه ایمس.
لیکن، ایریم سیاسی همده حربی تحلیلچیلرنینگ سوزیگه کوره، مرکزی آسیاده جنگریلرنینگ آلدی آلینیشی اوچون روسیه شمالده جهادی قوماندانلرنینگ حمایت قیلهدی. بو ایش بیلن ایسه افغانستان شمالی و جنوبی ایکّی حوزهگه بولینیشی تخمین ایتیلهدی.
سیاسی تحلیلچی محمد اسحاق اتمرنینگ سلاموطندار گه بیلدیریشیچه، روسیه اوزیگه محافظتی حوزه ایجاد قیلیش فکریگه توشگن و بو ایش ایسه افغانستان اوچون یامان عاقتبلرنی آلیب کیلهدی.
افغانستانلیک سیاسی تحلیلچیلردن باشقه بیری عتیق الله امرخیل، روسیه شمال ولایتیدهگی سابق قوماندانلریگه پول وجهاز بیرهدی.
عین حالده، نمایندهلر مجلسینینگ اعضاسی ظهیرسعادت، روسیه جمهور رییسنینگ مخصوص نمایندهسیگه پول بیرگن لیگینی رد قیلهدی. اونگه کوره، حکومت امنیتنی تامین قیلیش اوچون عاجز، جناب مسعود برقرارلیک تامین قیلینیشی اوچون اوزی سعی و حرکت آلیب بارهدی.
