غور ولایتیده داعش جنگریلری بوگون (چهارشنبه) ایرتلب تانگ وقتی بیلن ولایت دولتیار تومنی نینگ 6 یشاووچیسینی اوغیرلب مرغاب منطقهسیگه آلیب کیتگن.
خبرنی تصدیق ایتگن غور ولایت کینگشی نینگ اعضاسی حمیدالله متحد سلاموطندارگه، اوغیرلنگن یشاووچیلر دولتیار تومنی لکهمزار منطقهسی نینگ اهالیسی دیگن.
اونینگ ایتیشیچه، اوغیرلنگنلر برچهسی ایکینچیلر بولگن. هنوزگچه هم بولرنینگ اوغیرلنگن لیگینی سببی معلوم ایمس.
شونینگدیک غور ولایتی پولیس قوماندانلیگی نینگ خوفسیزلیک آمری ضیاالدین ثاقب 6 نفر تینچ اهالی داعش تامانیدن اوغیرلنگن لیگینی تصدیق ایتگن. او، بو توغریده هنوزگچه تفصیلات قولده ایمس دیدی. شونینگدیک اوغیرلنگلرنینگ هم تقدیری معلوم ایمس دیگن جناب ثاقب.
چمهسی بوندن بیر آی آلدین امریکا نینگ اوچوچیسیز باشقریله دیگن طیارهلری مذکور ولایتده جنگری داعش تودهسینی هجوم آستیگه آلگن ایدی. نتیجه داعش نینگ بیر قنچه جنگریسی اولدیریلگن ایدی. اما، بو گروه انده – سنده اهالی ایچیده تاپیلیب تینچ اهالینی اوغیرلشگه قول اورهدی.
