مملکت سابق جمهور رییسی حامدکرزی افغانستان پاکستان بیلن اوروش قیلیشنی ایستهمیدی، اما دیورندی فرضی چیزیغیدن هم اوتمیدی.
بوگون توشدن آلدین «دیورند – گندمک» نامی آستیده اوتکزیلگن ییغینده سوزلهگن جناب کرزی، پاکستان ملی اردوسی هر دایم دیورند چیزیغی ایکی تامانیدهگی اهالینی اولدیریشگه سعی وحرکت قیلیب اولرنی محتاج حالده سقلش گه اولگورهدی دیگن.
اوشبو ییغین «افغان مصلحتی تحقیقات مرکزی» ناملی اداره تامانیدن اوتکزیلگن.
کرزینینگ سوزلریگه کوره، افغانستان هیچ بیر زمان پاکستان بیلن اورش قیلیشنی خواهلهمیدی. اما، دیورند دن عبارت انسانی و مشروع حقیدن هیچ بیر زمان اوتمیدی.
باشقه تاماندن کابل بیلیم یورتی سیاسی بیلیملر فاکولتهسینینگ استادی نصرالله استانکزی مذکور ییغینده گندمک و دیورند پیمانلری حقوقی اعتبارگه ایگه ایمس دیگن.
استانکزیگه کوره، اوشبو پیمان امضالنگنده افغانستان انگلستان مستعمرهسیده بولگن و خارجی سیاستلری اوچون هیچ قندهی صلاحیتی بولمهگن.
جمهور رییس حامدکرزینینگ زمانیده حقوقی مصلحتچی صفتیده خذمت قیلگن جناب استانکزی، افغانستان حکومتی گندمک و دیورند چیزیغی بارهسیده اوچینچی مملکت یعنی پاکستان بیلن ایمس بریتانیا بیلن مذاکره قیلیشی درست دیگن.
دیورند معاهدهسی میلادی 1983- ییل 12 نوامبرده اوشه زمان پادشاهسی عبدالرحمانخان تامانیدن قول قوییلگن.
شونینگدیک گندمک معاهدهسی امیر شیرعلیخان اوغلی محمدیعقوب و انگلستان نمایندهسی اورتهسیده میلادی 1879- ییل 26 می ده امضالنگن.
گندمک منطقهسی جلال آباد – کابل اورتهسیده حصارک ولسواللیگینینگ یقینده جایلشگن و اوشبو منطقه معاهدهسی افغانستان ایشلری بوییچه انگلیس نینگ نمایندهسی کیوناری بیلن امضالنگن.
