میدان وردک ولایتیده اون بیش کیشی، اون اوچ تینچ اهالینی اولدیرگنلیک عیبی بیلن مملکت ملی کوچلری آرقهلی قولگه آلینگن. میدان ودرک و لوگر ولایتلریده ملی اردونینگ تورتینچی لوا قوماندانی عبدالرزاق صافی نینگ سلام وطندارگه معلوم قیلیب ایتیشیچه، مذکور شخصلر ولایت نینگ سیدآباد ولسواللیگیده افغان ملی کوچلری عملیاتی نتیجهسیده قولگه آلینگنلر.
اوتگن هفته کابل – قندهار عمومی ترانسپورت قتناو یولیده یوزیگه نقاب تارتیلگن نا تَنیش قوراللی شخصلر بیر خاتین قوشیمچه اون اوچ نفر تینچ اهالینی آتیب اولدیرگن ایدی.
صافیگه کوره، اوشلنگنلر ایچیده طالبلرنینگ سیدآباد تومنی ولسوالی ایتیب تعینلگن ملا نقیب الله اسملی قوماندانی موجود.
جناب صافی، قولگه آلینگنلردن ییتی کیشیسی حادثهده قولی بارلیگینی اعتراف قیلگنلیگینی تیلگه آلگن. ایتیلیشیچه، اوشلنگنلر آلدیدن ییتیته قورال و اون بیشته مخابره قولگه کیرتیلگن.
هر ییلی ینگی ییل کیریب کیلیشی بیلن افغانستان نینگ عمومی ترانسپورت یوللریده نابرقرارلیکلر میزانی سیزیلرلی درجه ده آشهدی. بو نا برقرارلیکلر قطار یولاووچیلر شامل حربیلرنینگ حیاتیگه نقطه قوییهدی.
بوندن بیر آی مقدم کابل – قندهار عمومی ترانسپورت قتناو یولیده اوغیرلگن 31 هزاره یولاووچی تقدیری حقیده هنوز انیق معلومات قولده ایمس.
