اوتگن کون پاکستان حکومتی تامانیدن کویته کینگشی ییریک اعضالریدن اوچتهسی توتیلدی. شونینگدیک سلاموطندارگه صحبت بیرگن اسمی سیر سقلنیشینی ایستهگن منبع نینگ ایتیشیچه، طالبلر بلندمرتبهلی رسمیلریدن بیر هیأت روسیه کیتگن. منبع نینگ ایتیشیچه، هیأت طالبلر رهبری ملاهبتالله باشلیغیده کیتگن.
پاکستان حربیلری قولگه آلگن طالبلر باشلیغلری: مذکور گروه مالی مسؤولی ملاعبدالصمدثانی، دایکندی تومنی باسبق ناملنگن ولسوالی سلیمان آغا و طالبان محکمهسی باشلیغی ملاعبدالله نانهی لر ایکن.
طالبان سوزلاوچیلریدن ذبیحالله مجاهد هم بوشخصلرنی توتیلگنلیگینی تأیید قیلگن.
پاکستاندهگی سلاموطندار خبرچیسی رزاق برق نینگ ایتیشیچه، پاکستان رسمیلری اوتگن کون محرم، عاشورا بولگنلیگی دلیل صحبت قیلمهگن ایکن و بوگون بو بارهده صحبت قیلیشی کوتیلهدی.
لیکن مذکور گروهنینگ روسیه گه قیلگن سفری نیمه اوچون ایکنلیگی انیق بولمهگن. تحلیلچیلرگه کوره، روسیه منطقهده اوشبو گروهدن ایش آلیشنی ایستهیدی.
سیاسی تحلیلچی کابلخان تدبیرنینگ سلاموطندارگه ایتیشیچه، روسیه طالبلر واسطهسی بیلن منطقهده داعشنی کوچلنیشی آلدینی آلیشنی ایستیدی. جناب تدبیرنینگ معلوم قیلیشیچه، اوشبوگروه گه تهران و پیکینگ نینگ هم مالی یاردملری ییتیب کیلیشی امکاندن اوزاق ایمس.
جناب تدبیرگه کوره، افغانستان 9 ولایتیده طالبلر بیلن علاقهده؛ مذکور گروه بیلن اوشبو ولایتلرده جهازلنتیریش و اکمالاتی یاردملر یانیده اولرگه اورگهتیش مسؤولیتی هم ذمهسیگه.
بو بارهده افغانستان حکومتی صحبت بیریشگه حاضر بولمهدی. افغانستان اوروشیده چیچینلیکلر، اویغورلر، اوزبیکلر و پنجابلر دخللر و کلاشینکوفدن طالبلر ایش آلیشی روسیه تامانیدن دستکلهنیش معناسینی انگلتمیدی دیدی مدافعه وزیرلیگی سوزلاوچیسی دولت وزیری.
بیراق تحلیلچیلردن باشقه بیری محمودحیدری طالبلر هیأتی مسکوگه سفر قیلیشی کویته کیگنشی اعضالری توتیلیشیگه تیگیشلی، طالبلر اوزلرینی قوتقریش اوچون روسیه کیتگنلر دیگن.
