ریال ماډریډ او یونټوس د اروپا اتلولۍ له‌پاره لوبیږي

اسپانوي کلب ریال ماډریډ او ایټالوي کلب یونټوس خپلو سیالانو ته په ماتو ورکولو د اروپا فوټبال کلپونو اتلولۍ لیګ پای لوبې ته لار پیدا کړه.

د دغو سیالیو د رسمي وېبپاڼې د معلوماتو له مخې، د اروپا فوټبال کلپونو اتلولۍ لیګ روانو سیالیو په وروستۍ راتګ پړاو دویمه نیمه پای لوبه کې دفاعي اتلې ریال ماډریډ لوبډلې د اتلاتیکو ماډریډ خلاف ۲ د ۱ ګول په وړاندې ماتې وخوړله.

د اتلاتیکو په ګټه د نیګیز او ګریزمین د ګولونو وروسته د میلمه ریال ماډریډ په ګټه ایسکو ګول ترسره کړ، چې ریال ماډریډ سره په سر په ۶۱ سیالۍ کې ګول ووهلو.

ریال ماډریډ په لومړۍ ۳ د ۰ ګول په وړاندې بریا سره ۴ د ۲ ګولونو په مخکېوالي د اتلولۍ ګټلو په موخه پای لوبې ته ورسېدلو.

ریال ماډریډ تېره اوونۍ اتلاتیکو ماډریډ ته په برنابو لوبغالي کی ۳ د ۰ ګول په وړاندې سخته ماتې ورکړې وه او دا سر په سر څلورم ځل شو چې اټلاټیکو ماډریډ د ریال ماډریډ له خوا په روانو سیالیو کې حذفیږي.

ټاکل شوې، د دواړو لوبډلو ترمنځ پای لوبه به د راتلونکې جون میاشتې په ۳ نېټه د انګلیستان په کارډیف فوټبال لوبغالي کې ترسره شي.

د یادونې وړ ده، چې که ریال ماډریډ په فاینل لوبه کې یونټوس لوبډلې ته ماته ورکړي؛ نو دا به د اروپا فوټبال کلپونو سیالیو په تاریخ کې لومړې ځل وي، چې یوه لوبډله سر په سر دوه ځلې اتلولي ګټي.

دغه راز ریال ماډریډ فوټبال کلب یوازې ۱ ګول ته اړتیا لري ترڅو په چمپینزلیګ سیالیو کې لومړۍ لوبډله شي، چې ۵۰۰ ګولونه ترسره کوي.

ریال ماډریډ په اروپایي فوټبال کلپونو کې ریکارډ لري، چې د ریکارډ ۱۵ ځل له‌پاره د دغو سیالیو فاینل ته رسېږي او ۱۱ ځلې یې د اروپا فوټبال کلپونو اتلولۍ لیګ سیالۍ ګټلي دي.

دغه راز ایټالوي یونټوس کلب بیا د ۲۱ کلن انتظار وروسته د دې تابیا نیسي ترڅو ریال ماډریډ ته په ماتې ورکولو د اتلولۍ جام وګټي.

د دې وړاندې یونټوس ۸ ځلې د اروپا فوټبال کلپونو اتلولۍ لیګ فاینل ته رسېدلی ۲ ځلې یې اتلولي ګټلې خو ریکارډ ۶ ځلې یې دویم مقام خپل کړی دی.