.jpg)
د ازادې مبارزي یا فري فایټ لوبغاړی افغان احمد ولي هوتک روسي سیال ته په وروستۍ ماتې د نړۍ مخکښ فري فایټ لوبغاړی ډار کړی دی.
ټاکل شوې وه، چې پرون د افغانستان د ازادې مبارزې تکړه لوبغاړي احمد ولي هوتک له هسپانوي لوبغاړي سره سیالۍ کړې وی.
دغه سیالۍ د روسیې په (سینټ پیټرزبورګ) ښار کی پلان شوی وه، چې هسپانوي سیال روني ګومیز د ټپونو بهانه وکړه، چې په وینا یې د تمریناتو پرمهال یې لاس ټپي شوی دی؛ لوبې ته حاضر نه شو.
د هسپانوي ازاد لوبغاړي سیال د نه حاضرېدو له کبله افغان احمد ولي هوتک له سیالۍ پرته د مسوولینو له خوا د لوبې ګټونکی اعلان شو.
د روسي سیال خلاف د تېرې میاشتې له بریا وروسته د ازادې مبارزې ادارې (فایټ نایټ ګلوبل) له احمد ولي هوتک سره ۳ کلن تړون لاسیلیک کړ.
د تړون په لاسلیکولو کې د احمد ولي هوتک شرط هم ومنل شو، چې د سیالیو پرمهال به د خپل هېواد افغانستان په نوم لوبې کوي.
احمد ولي هوتک د هسپانوي سیال خلاف د بریا وروسته په خپله رسمي فیسبوک پاڼه کې د افغانانو له تشویق څخه مننه کړې او دغه بریا یې د خپل ایمان او هڅو قوت یاد کړی.
احمد ولي هوتک له ۲۰۱۳ کال راهیسې د فري فایټ په نړیوالو سیالیو کې لوبیږي؛ تراوسه یې ۵ نړیوالې سیالۍ کړي او په ټولو کې خپلو سیالانو ته په ماتو ورکولو بریالۍ شوی دی.
