د "روشیا ټوډی" خبري اژانس د راپور پر بنسټ نن (یک شنبې) د روسیې په "ورونیش" سیمه کې د یوې زورورې اورلګېدنې له امله ۲۱ تنه ووژل شول او ۲۴ تنه نور ټپیان شول.
په دې اړه د روسیې چارواکو خبر ورکړی، چې د ۱۹ تنو جسدونه د اور له سیمې را وېستل شوي دي او د دوو نورو جسدونه په بشپړ ډول سوځېدلي دي.
دوی زیاتوي، چې په دې اورلګېدنه کې تر اوسه پورې د دوه تنو جسدونه تري تم شوي دي.
دغه اورلګېدنه په یوې عقلي عصبي روغتون کې رامنځته شوې ده.
دغه روغتون د روسیې د "ورونیش" سیمې تر ټولو لوی روغتون دی، چې په منځني ډول په دغه روغتون کې شاوخوا ۷ سوه ناروغان بستر وو.
د روسیې چارواکي وايي، چې د دغه اورلګېدنه د برېښنايي سیستم د ستونزې له امله پېښه شوې ده او زیاتوي، چې په روغتون کې د کارول شویو لرګیو له امله اور ۶ سوه متر مربع سیمې په اندازه پراختیا پیدا کړه او د روغتون چت راولوېد.
ویل کیږي، چې د چت رالویدلو له امله د تلفاتو شمېر زیات دی.
دا لومړی ځل نه دی، چې د روسیې د درملنې په مرکزونو کې اورلګېدنې دا ډول پېښه رامنځه کیږي، دوه کلونه مخکې هم د "مهیب" په نوم د درملنې په یوه مرکز کې د اورلګېدنې له امله شاوخوا ۳۸ تنه وژل شوي وو او په ۲۰۰۸ ز کال کې د زیات عمر لرونکو په استوګن ځای کې د اورلګېدنې له امله ۲۳ تنه سوځېدلي وو.
