افغان کرکټ بورډ وایي چې د ولسمشر، کرکټ بورډ غړو او اداری لخوا برابر شوی کلنی او بودیجوي پلان منظور شو.
دافغانستان کرکټ بورډ لخوا سلام وطندار ته په رالیږل شوې خبرپاڼه کې لیکل شوي، چې د افغان کرکټ بورډ غړو لومړۍ کلنې غونډه د چهار شنبې په ورځ د کابل په سرینا هوټل غونډو تالارکې جوړه کړه.
خبرپاڼه لیکي چې په دې کلنۍ غونډه کې د کرکټ بورډ لپاره د افغان ولسمشر محمد اشرف غني په فرمان غوره شویو غړو د کرکټ بورډ سره د هرقسم همکاریو ژمنه هم وکړه.
کرکټ بورډ وایي چې د کرکټ بورډ په دې کلنۍ غونډه کې د کرکټ بورډ د عمومي مشر نسیم الله دانش په ګډون د هیواد مالیې وزیراکلیل حکېمي، د بهرنیو چارو وزارت سیاسي معین حکمت خلیل کرزي، د ښار جوړونې وزیرسید سادات منصور نادري ، د ولسمشرحقوقي سلاکارمحمد علي محمدي، د چارو د ادارې د اړیکو او عامه پوهاوي ریاست مرستیال فریدون الهام، ملي سوداګرسید سلمان سادات ، دالکوزي شرکت استازي میرویس سیال او د دنیا پوهنتون رییس احمد شاه سنګدل ګډون درلود.
د کرکټ بورډ خبرپاڼه لیکي چې په دې غونډه کې د کرکټ بورډ اجرایوي مشر شفیق الله ستانکزي او د غه راز د د کرکټ په چاروکې ولسمشر ځانګړي استازي مختارالله مختار هم برخه اخیستې وه.
د خبرپاڼې له مخې د کرکټ بورډ اجرایوي مشر شفیق الله ستانکزي بورډ غړو ته په افغانستان کې د کرکټ تاریخچه او د کرکټ بورډ کلنی کاري او بودیجوي پلانونه د پریزنټیشن له لارې وړاندې کړل.
خپرپاڼه زیاتوي چې د کرکټ بورډ چارواکو له بورډ غړو وغوښتل چې افغان کرکټ بورډ سره د هیواد کرکټ د پرمختګ په موخه د سترو پلانونو په عملي کولوکې دوامداره همکارۍ وکړي.
د کرکټ بورډ خبرپاڼه لیکي چې د غونډی په پای کې د کرکټ بورډ غړو کرکټ چارواکو ته ډاډ ورکړ چې همیش به یې د کرکټ د پرمختګ لپاره ترڅنګ ولاړ وي.
