د دغه ولایت د برکي برک سر پرست ولسوال انجنیر محمد رحیم امین سلام وطندار ته وویل نن یکشنبه ( ۴/۵/۲۰۱۵) غرمه مهال د دې ولسوالۍ په برکي راجان سیمه کې یوې خواښې خپله ۲۵ کلنه اینګور لومړی په چاړه حلاله کړې او تر وژلو وروسته یې اور ورته کړی.
ولسوال وایي د وژل شوې میرمني خواښې زبیده نیول شوې او د پولیسو له لورې ورنه پوښتنې او ګرویږنې روانې دي.
خو نیول شوې میرمن وایې اينګور یې نن غرمه دوه مخ پټو وسله والو په خپل کور کې وژلې ده.
دا د کابل د شاه دوشمېره له پېښې وروسته دویمه هغه ده چې یوه مېرمن لومړی وژل کيږي او بیا یې جسد سوځول کيږي.
افغان ولسمشر اشرف غني ویلي و چې له دې وروسته به چاته اجازه ور نه کړي چې په خپل سر بې عدالتۍ ته لاس واچوي.
خو د لوګر د پېښې د تورنې د څرګندونو په اړه تر اوسه دقیق معلومات نه دي خپاره شوي چې قاتلان مخ پټي وسله وال وو او که زبېده.؟
