بوگون (دوشنبه) پایتخت یشاوچیلریدن مینگلرچه‌سی اعتراض قیلیش‌لری بیلن ملی بیرلیک حکومت باشلیغ‌لریدن ترکمنستاندن کابل کیلتیریله‌دیگن برق یولی‌نینگ بامیاننی قویب سالنگلردن اوتکزیشیگه اصرار قیلمس‌لیکلرینی سوره‌دیلر.
دستلب اعتراضچیلر ارگ نینگ اون تامانیدن پشتونستان تورت یولیده کیلیش نیتیده بولگن ایدیلر. اما کوتیلمه‌گن حالده کیچه تامان جمهور رییس‌لیک سرایی و باشقه امنیتی نهادلرگه کیله‌دیگن یوللرده کانتینر تیریب یولنی کومیشلری بیلن بو اعتراضچیلر دهمزنگ تورت یولیده ییغیلیب چمن حضوری تامان باریشگه مجبور بولدیلر.
اعتراضچیلر «غنی و عبدالله بیرگن وعده‌لرینگیزگه عمل قیلینگ و تبعیض‌دن قول کوتارینگ» دیگن شعارلر بیلن حکومت رهبرلریدن هر بیر ملی لایحه عملی بولیشی‌گه اورته لیکچه قره‌شلری و محروم قالگن منطقه‌لرنی ایسدن چیقارمس‌لیکلرینی سوره‌یدلر.
اعتراضچی‌لردن کوپیسی حکومت‌نی اهالی ارا تفرقیه تشلشگه عیبلیدیلر و ایتیشلریچه، حکومت ملی لایحه‌لر و طرقیات توشینچه‌سی بیلن یشاوچیلر ارا قومی تعصب‌لرنی توغدیریش نیتیده دیر.
مذکور اعتراضده تینچ‌لیک یوکسک کینگشی اورین باسری کریم خلیلی و کوپلب ملت نماینده‌لری هم بارایدی. جناب خلیلی سوزگه چیقیش قلیب اعتراضچی‌لرگه قره‌تیب ایتیشیچه، حکومت یشاوچیلرنینگ ایسته‌کلریگه ایجابی جواب بیرمه گونگه قدر، بولر اوز اعتراضلرینی دوام بیریشلری ممکن.
جناب خلیلی حکومت‌دن وزیرلر کینگشی‌ده ترکمنستاندن کیله‌دیگن برق یولی سالنگلردن اوتکزیش فیصله‌سینی بیکار قیلیشینی ایسته‌دی.
ایتیش کیره‌ک اوتگن کون جمهور رییس بیر 12 کیشی‌لیک کمیسیون ایجاد قیلیشی بیلن ترکمنستاندن کیله‌دیگن برق یولینی انیق تیکشیریش اوچون توظیف قیلدی. بو کمیسیون ایکی یولنی هم بامیان و سالنگنلرنی کوریب اوتیشلری بیلن قولکه کیلتیرگن نتیجه‌لرینی ملی بیرلیک حکومت باشلیغ‌لری اختیاریگه قویه‌دی و اوندن کیین حکومت مذکور برق یولی قیسی نقطه‌دن کابل کیلتیریلیشی بارهسیده تصمیم آله‌دی.
