نمایندهلر کینگشی نینگ اعضالری، «شبهلی» بیر آواز توغریسیده ایرته عمومی ییغینده قرار قیلهدی.
ایکی کوندن بویان فیسبوک اجتماعی صحیفهلریده آواز بیرووچی بیر برگه قولمه قول بولهدی و بو برگه ده میررحمان رحمانی نینگ صورتی بولگن قسمت ده ایکی یازیلگن و اداغیده بیر نقطه قوییلگن.
سهشنبه کون نمایندهلر کینگشی اعضالریدن 27 کیشیلیک بیر کمیته ایجاد ایتیلدی و بو کمیته اوتگن کون «شبهلی» بیر آواز موضوعی، نمایندهلر کینگشی اعضالری نینگ حاضر و غیابی دفترچهسی و نمایندهلر کینگشی باشلیغی تعیین ایتیلیشی اوچون آواز بیریلگن کون ویدیولرینی تیکشیریب و بوگون تیکشیروو نتیجهسینی آچیقلب بیردی.
نمایندهلر کینگشیده یوز بیرگن تارتیشوولرنی حل قیلیش کمیته اعضاسی غلامحسین ناصری نینگ ایتیشیچه، اوشبو کمیته اعضالریدن 16 تهسی بیر "شبهلی" آوازنی ایجابی بیلهدیلر، بیراق اوشبو کمیته باشقه 11 اعضاسی اولرگه قرشی مذکور آوازنی باطل دیدیلر.
جناب ناصریگه کوره، ایرته "پنجشنبه" کونی اوشبو بیر "شبهلی" آواز نمایندهلر کینگشی نینگ عمومی ییغینیده آواز بیریشگه قوییلیشی ممکن.
"شنبه" کونی نمایندهلر کینگشی باشلیغینی تعیینلش اوچون اوشبو کینگشده یولگه قوییلگن سیلاوده میررحمان رحمانی 123 ایجابی آواز قولگه کیریب نمایندهلر کینگشینینگ موقت باشلیغی تامانیدن اوشبو کینگش باشلیغی عنوانیده اعلان ایتیلگندن سونگ، بو تارتیشوولر اورتهگه چیقدی.
نمایندهلر کینگشینینگ "یکشنبه" کوندهگی ییغینی هم تارتیشوولر بیلن باشلندی و قطار ملت وکیللری جناب رحمانیگه اوشبو کینگش باشلیغی عنوانیده ایشیگه باشلش اوچون اجازه بیرمهدیلر و انهشو باعث، ییغین یکونلندی.
