بوگون (یکشنبه) سنامجلسی ییغینیده، مملکت سالیق وزیری اکلیل حکیمی، 1395- ییل مالی ملی بودجه‌نی سناتورلرگه تانیشتیردی.
1395- ییل مالی ملی بودجه کمیده 461.7 میلیارد افغانی کوزگه توتیلگن، بوندن 283.3 میلیاردی عادی بودجه و باشقه 178.5 میلیاردی‌نی رواجلنتیریش بودجه تشکیل بیره‌دی.
سنامجلسی‌ده سالیق وزیری‌نینگ ایتیشیچه، 1395- ییل مالی ملی بودجه، 94- ییل مالی بودجه‌سی‌گه قره‌گنده ایچکی ایشلب چیقاریش بولیمی‌گه کمیده 6 فایز کوپه‌یگن.
ایتیلیشیچه، امنیتی وضعیت یخشی‌لنیب و دولت تامانیدن مملکت تورلی اقتصادی بولیم‌لریگه سرمایه یاتقزیش خصوصیده، ریجه‌لر قولگه آلینگن صورتده، افغانستان اقتصادی یوکسلیشی 4.4 فایزگه ییتیشی ممکن. دیمک افغانستان اقتصادی یوکسلیشی 1394- ییل 2.6 فایزگه ییتیشگن ایکن.
1395- ییل مالی ملی بودجه ریجه‌سی انچه پیت آلدین سالیق وزیری تامانیدن، ملی بیرلیک حکومت باشلیغ‌لری‌گه ارایه ایتیلدی. جمهور رییس و اجراییه باشلیغی اوشبو ریجه‌نی خوش قرشی‌لب و اونی اوز باشیمچه‌لیک و اقتصادی وضعیت یخشی‌لنیشی خصوصیده، باشقه بیر اونملی آدیم دیگن‌لر.
