مرکزی بغلان تومنی نینگ هوتللریدن بیریگه 7 اوغری کیریب 130 یولاوچی نینگ نقده پولدن آلتینگچه تالان قیلگن.
یولاوچیلرنینگ قیزیغ حکایهلریگه کوره، اوغریلر ایکی ساعت تینتاو قیلیب هوتلدهگی یولاوچیلر بار یاغینی بیرگه سیگه آلیب کیتگن.
یولاوچیلرنینگ سلاموطندارگه ایتیشلریچه، حادثهدن سونگ بغلان تومنی محلی رسمی لرینی کوریب اونگه شکایتلرینی یازدیریش اوچون بارگنلر ولی اونی کورالمهگنلر.
اولرنینگ سلاموطندارگه ایتیشلریچه، امنیتی پوسته بیلن اوغرلنگن محل ارهسی بیرکیلومتر کیلمیدی. حادثه شاهدلریگه کوره، 303، 404 ایکی یولاوچی موتر و 8 کیچیک موتر یولاوچیلری بار یاغلری اوغریلر تامانیدن تالان بولگن.
شمالشرق حوزهیی پولیس سوزلاوچیسی محفوظالله اکبری نینگ حادثهنی تأیید قیلیب ایتیشیچه، حاضرگه قدر هوتلچی قوشیمچه ایکی کیشی پولیس تامانیدن قولگه آلینگن و قورالی اوغریلر قولگه آلینیش ایشی باشلنگن.
حاضرگه قدر اوغرلنگن پول و نرسهلر قنچهلیگی انیقلنمه گن.
بوندن آلدین هم بغلان ولایتی نینگ چهارشنبه تیپه منطقه سیده نیچه یولاوچی تشوچی موترنی اوغیرلر توخته تیب پوللرینی اوغیرله گن ایدی، بیراق شمالشرق حوزهیی پولیس رسمیلری نینگ ایتیشیچه، قندوز-بغلان شاه یولیدن اوتیب-قیتهدیگن یولاوچیلر جانی و مالینی اوغریلردن سقلش اوچون مرکزی حکومتگه ایکی پوسته ایجاد بولیش پیشنهادینی قیلگنلر. مذکورپوسته لر بودجهسی تصویب بولیشی بیلن ایجاد ایتیلیشی کوتیلهدی.
