بوگون (یکشنبه) چوب صنعتچیلری و بیر قنچه سوداگرلر وزیرلر کینگشی نینگ اقتصادی کمیتهسی باشقه ولایتلرده هم چهارتراش چوب صنعتی آزاد بولیشینی حمایت قیلگن بیر پیتده اعتراض بیلدیردیلر. اعتراضچیلر وزیرلر کینگشی اقتصادی کمیتهسی نینگ قرار عملی بولیشی اوستیدن چیققنلر.
بو یول یوریش یوک تاشووچی موتر اوتگه یاندیریلیشی و اوق اوزیش بیلن باشلگن. پولیس اعتراضنی تینچیتیش اوچون سعی و حرکت آلیب بارگن نتیجه بیرمهنگن.
وزیرلر کینگشی نینگ قراریگه مخالفت کورستگن ولایت امنیه قوماندانی، بو قرار عملگه تطبیق ایتیلیشی بیلن ولایتده چوب و چهارتراش مافیاسی اوچون کوپراق زمینه یرهتهدی دیگن.
کنر پولیس قوماندانی پاسوال جمعه گل همت نینگ سلاموطندارگه ایتیشیچه، مذکور اعتراض صنعتچیلری نامی آستیده بیر قنچه قاچاقچیلری تامانیدن اوتکزیلگن دیگن. او، پولیس هواگه قرهته اوق اوزیش بیلن یول یوریش نینگ آلدینی آلیشگن دیگن.
کنر ولایتی نینگ والیسی وحیدالله کلیمیزی، محلی اداره وزیرلر کینگشی نینگ بو قراری عملی بولیشنی ایستیدی، لیکن پولیس ادارهسی بو مسالهگه قرشیلیک بیلدیرگن دیگن.
اما کنر زراعت ادارهسی ولایتده چهارتراش چوب سوداسی آزاد ایتیلیشی بیلن بوتون ولایتده اورمانلرنی کیسیش باشلنهدی انه شو باعث بو قرار ولایت نینگ منفعتیگه ایمس دیگن.
بوندن آلدین هم کنر ولایتی نینگ بیر قنچه مدنی فعاللری و اجتماعی رسانهلر فعاللری چهار تراش چوبی آزاد ایتیلیشینی محکوم قیلیب، بو قرار ولایت فایدهسی ایمس ایدی دیگن ایدیلر.
