ساغلیقنی سقلش وزیرلیگی نینگ اعلان قیلیشیچه، اوتگن 24 ساعت جریانیده مملکت 12 ولایتیده کرونا ویروسیدن 748 ینگی ایجابی واقعه قید ایتیلگن.
اوشبو ینگی ایجابی واقعه شامل مملکت بویچه کرونا ویروسیگه چلینگنلرنینگ سانی 22890 کیشیگه کوپهیگن.
ساغلیقنی سقلش وزیرلیگیگه کوره، اوتگن بیر کیچه و کندوز ده کرونا ویروسیدن 311 ینگی ایجابی واقعه کابل، 181 واقعه هرات، 50 واقعه قندهار، 78 واقعه پکتیا، 36 واقعه ننگرهار، 32 واقعه بادغیس، 21 واقعه پروان، 10 واقعه کنر، 10 واقعه کاپیسا، 8 واقعه غور، 6 واقعه فراه و باشقه 5 واقعه لغمان ولایتیده رویخط گه آلینگن.
عینحالده، ساغلیقنی سقلش وزیرلیگی سرپرستی احمدجواد عثمانی نینگ خبری بیر ییغینده ایتیشیچه، بوندن سونگ، بوتون خصوصی کسلخانهلر و ساغلیک مرکزلر کرونا ویروسیگه چلینگنلرنی درمان قیله آلهدیلر.
اونینگ ایتیشیچه، خصوصی کسلخانهلر و ساغلیک مرکزلرنی کرونا ویروسیگه چلینگنلرنی تشخیص و درمانلش اوچون جواز گه نیازلری یوق.
ساغلیقنی سقلش وزیرلیگی تامانیدن بیریلگن آمارلرگه کوره، اوتگن بیر کیچه و کندوز ده کرونا ویروسیگه چلینگنلردن 21 تهسی جان بیریب و باشقه 313 تهسی درمانلنگن.
حاضرگهقدر کرونا ویروسیگه چلینگنلردن 426 تهسی وفات قیلیب و باشقه 3326 تهسی درمانلنگن دیر.
ایتیلیشیچه، حاضرگهقدر بوتون دنیا ده 7 میلیون و 458 مینگ کیشی کرونا ویروسیگه چلینگن و بو جملهدن 4 یوز مینگ کیشی جان بیریب و باشقه 3 میلیون و 751 مینگ کیشی درمانلنگن دیر.
