د کابل ولایت د قرهباغ ولسوال محمداصف سلامطندار ته وویل، د طالبانو یوه غړي چې د دې ولسوالي د خلازهيي سیمې اوسېدونکی دی، د مسافرو پر یوه موټر چې د کابل ـ پروان پر لویه لار روان و، ډزې کړي چې له کبله یې ۲ مسافر وژل شوي او ۲ نور ټپیان دي.
د نوموړي په وینا، یاد کس هم په همدې موټر کې سپور و چې خپل ځای ته تر رسېدو وروسته یې پر نورې سپرلۍ ډزې کړې دي.
د قرهباغ ولسوال زیاتوي، دغه مسافر له بغلانه کابل ته روان وو او یاد طالب په موټر کې له نورو مسافرو سره تر خبرو وروسته پوهېږي چې په موټر کې ورسره د پوځ یو قوماندان او یوه هم مهندس ناست دي او نوموړی له موټره تر کوزېدو وروسته دواړه وژني.
د صدیقي په وینا، بریدګر له پېښې وروسته تښتېدلی دی.
د کابل ـ پروان لویه لار، یوه مهمه لار ده چې پلازمېنه کابل له شمالي ولایتونو سره نښلوي.
شاوخوا دوه اوونۍ وړاندې د مشرانو جرګې د لومړي مرستیال پر موټریز کاروان هم پر همدې لاره برید شوی و.
