افغانستان بوییچه بیرلشگن ملت‌لر تشکیلاتی نینگ اورین باسرلیک هیأتی یا-ده یوناما، افغانستانده تینچ اهالی قربانلری آشگنیدن خواطر بیلدیریب ایتیشیچه، تینچ اهالی نینگ حیاتی خصوصیده، اوروش تامانلری نینگ بی‌فرق یانده‌شی خواطرلی دیر.
بوگون «پنج‌شنبه، 4- میزان» یوناما تامانیدن میدیالرگه یوباریلگن خبرنامه‌ده اوروش تامانلریدن تینچ اهالی گه زیان ییتکیزمس‌لری اوچون سعی و حرکت قیلیش‌لری کیره‌ک.
افغانستان بوییچه بیرلشگن ملت‌لر تشکیلاتی نینگ باش کاتبی‌نی خاص نماینده‌سی تدامیچی یاماموتونینگ تیلی دن خبرنامه‌ده یازیلیشیچه، سونگی کونلرده یوز بیرگن هجوملرده تینچ اهالی نینگ حیاتی خصوصیده، اوروش تامانلری نینگ بی‌فرق یانده‌شی خواطرلی دیر. یاماموتونینگ اورغولشیچه، افغانستانده تینچ اهالی قوریلیشی کیره‌ک.
بیرلشگن ملت‌لر تشکیلاتی تامانیدن بیریلگن رقم اساسیده، 17- سپتامبر پروان ولایتی و 19- سپتامبر زابل ولایتیده طالبان تامانیدن اویوشتیریلگن هجوملرده 55 تینچ اهالی هلاک و باشقه 144 تینچ اهالی یره‌لنگن.
یونامانینگ معلوماتی گه کوره، 19- سپتامبر ننگرهار ولایتیده آمریکا حربی‌لری تامانیدن اویوشتیریلگن هجوم‌ده 16 تینچ اهالی هلاک و باشقه 12 ته‌سی یره‌لنگن.
مذکور اداره تامانیدن بیریلگن رقم‌لر اساسیده، 22- سپتامبر هلمند ولایتیده آمریکا و دولتی کوچلرتامانیدن اویوشتیریلگن ییر و هوایی هجوملر نتیجه‌سیده کوپینچه‌سی عیاللر و باله‌لر بولگن 20 تینچ اهالی هلاک ایتیلیب و یره‌لنگن.
بیرلشگن ملت‌لر تشکیلاتی، برچه اوروش تامانلریدن اوروش‌لریده تینچ اهالی نینگ خوفسیزلیگی تأمین‌لنیشی خصوصیده، چاره تدبیر کوریشینی سوره‌گن.
مذکور اداره نینگ ایتیشیچه، تینچ اهالی نینگ قربانلیگی گه مسؤول بولگن‌لر واقعه‌لر توغریسیده ایرکین تدقیقات، طرفسیزلیک، شفافیت و تأثیرچنلیگی‌نی تأمین قیلیشی کیره‌ک.
شو توغریده…
زابل؛ خودکش هجوم نتیجه‌سیده 14 کیشی هلاک و باشقه 60 کیشی یره‌لنگن دیر
