بوگون بیرلشگن ملت‌لر تشکیلاتی نینگ افغانستانده‌گی اورین باسرلیک هیأت دفتری (یوناما) میلادی 2016 ده «قورالی اوروشلرده تینچ اهالی جانینی سقلش» گزارشینی ترقه‌تدی.
بیرلشگن ملت‌لر تشکیلاتی اوز گزارشیده اوتمیش 8 ییلگه قره‌گنده تینچ اهالی تلفاتی سانینی یوقاری کورستگن. اوشبو تشکیلات افغانستانده اوروشه‌دیگن طرف‌لردن تینچ اهالی اولیمی آلدی آلینیشی باره‌سیده جدی توجه قیلیشلرینی سوره‌گن.
مذکور گزارشده قوالی اوروشلرده تینچ اهالیدن 11418 حادثه رویخط‌گه آلینگن که بوجمله‌دن 3498 تینچ اهالی اولگن و 7920 کیشی یره‌لنگن. کورسه‌تیلگن سانده 3512 باله شامل بولیب بولردن 923 ته‌سی جان بیرگن و 2589 ته‌سی هم یره‌لنگن. 2016-ییلده روی بیرگن حادثه‌لرده‌گی تلفات اوتگن ییللرده تینچ اهالی اولیمی‌گه قره‌گنده 3 فایز یوقاری کورسه‌تیلگن.
شونینگدیک بیرلشگن ملت‌لر تشکیلاتی نینگ 2016- ییل گزارشیده 341 عیال جان بیرگن و باشقه 877 ته‌سی هم یره‌لنگن.
2015 ده تینچ اهالی تلفاتی 3565 و 7469 کیشی یره‌لنگن کورسه‌تیلگن ایدی.
یونامانینگ ایتیشیچه، تینچ اهالی اولیمیدن 61 فایزی دولتگه قرشی گروه‌لر «کوپراق طالب‌لر»، 24 فایز دولت حامی‌لری و 10 فایزی هم دولتگه قرشی بولگن شخصلر قولیده بولگن.
اوشبو سان بیرلشگن ملت‌لر تشکیلاتی نینگ افغانستانده‌گی اورین باسرلیگی تامانیدن رویخط‌گه آلینگن، 2009 دن حاضرگه قدر مذکور تشکیلات تامانیدن منتظم شکلده تینچ اهالی تلفاتی باره‌سیده، یوقاری تلفات شوییلگه کورسه‌تیلگن.
مذکور گزارشده 2015 ییلدیک دولتگه قرشی و دولت طرفدار گروه‌لر اورته‌سیده اینیقسه تینچ اهالی یشیدین و اوتیب قیته‌دیگن منطقه‌لرده اوروشلر دوامی تینچ اهالی اولیمی اصلی دلیلی بولگن، شونینگدیک جنگری گروه‌لرنینگ اورنه‌تیلگن مانلری پارتله‌نیشی، گروهی هجوم‌لری و تینچ اهالینی قصدی اولدیریشلر رویخط‌گه آلینگن.
شونینگدیک یوناما اوز گزارشیده داعش گروهی هجوم‌لرینی مستند قیلگن. مذکور گزارش اساسیده 2015- ییلده داعش جنگریلری هجوم‌لریده 899 کیشی جان بیرگن و 690 کیشی یره‌لنگن. اوشبو سان اوتگن ییلگه قره‌گنده تینچ اهالی اولیمی 10 فایز یوقاری کیتگن‌لیگینی کورسته‌دی.
بیرلشگن ملت‌لر اورین باسرلیک دفتری نینگ ایتیشیچه، افغانستان امنیتی کوچلری و تشقی حربی لر هم هوایی هجوم‌لر نیتجه‌سیده 250 کیشی اولیشی و 340 کیشی یره‌لنیشیگه سبب بولگن. اوتگن ییلگه قره‌گنده بورقم ایکی فایز یوقاری کیتگن‌لیگینی کورسته‌دی.
مذکور گزارشده تینچ اهالی هدف آلینیب و تینچ اهالی یشیدیگن منطقه‌لرده هجوم قیلیش «ناقانوی و قاره‌لشگه سزاوار» اوروش جنایتی دیب حساب بوله‌دی.
بیرلشگن ملت‌لر تشکیلاتی نینگ افغانستانده‌گی خاص نماینده‌سی دامیچی یاماموتونینگ ایتیشیچه: «مینگلرچه تینچ اهالی اولیب یره‌لنیشی اوته خواطرلی و بولردن کوپیسینی آلدی آلینه‌دی.» او تینچ اهالیگه قرشی بجریلگن هجوم‌لر و سلبی تأثیر قالدیریشینی قاره له‌دی.
جناب یاماموتوگه کوره، «افغانستان خلقی نینگ زجر بیریشده 2016 سابقه سیز ییل بولگن.»
بیرلشگن ملت‌لر تشکیلاتی نینگ افغانستان اوچون خاص نماینده‌سی‌گه کوره، اوروش طرفری تینچ اهالی اولیمی‌گه توجه قیلمه‌گن صورتده، گناه سیز عادی خلق اولیمی‌گه آشیب بدرغه بولیشلری یوقاری درجه‌ده «دهشتلی» بولیشی ممکن.
بیرلشگن ملت‌لر تشکیلاتی انسان حق حقوقی بوییچه عالی کمیشنری زید رعدالحسین نینگ ایتیشیچه، تینچ اهالی تلفاتی یوقاری کیتیشی اوروشلر بهاسینی عادی خلق کوتارگنینی کورسته‌دی.
رعدالحسین نینگ ایتیشیچه: «هلی هم باله‌لر اولیب، کوزلرینی قولدن بیریب یاهم ایاغ قولدن قاله‌دیلر و هلی هم عیاللر آتی قالگن عدالت نهادلریگه دهشتلی شکلیده جزالنماقده‌لر و هلی هم کوپلب مذهبی‌لر عبادت وقتیده مسجدلرگه هجوم قرار بیریله‌دیلر.»
یاماموتو و رعدالحسین اوروش تامانلریدن تینچ اهالی یشیدیگن منطقه‌لرده قوراللریدن استعمال قیلمس‌لیکلرینی طلب قیله‌دی.
