طالبان گروهی غور ولایتیده، اویدن قاچیش عیبی بیلن بیر عیالنی صحرایی محکمه آرقهلی شلاقلهگن.
سلاموطندار اختیاریگه توشگن ویدیو گه کوره، اطرافیده قطار ایرکک توپلهنگن بیرعیال کورینهدی و بیر ایرکک شلاق بیلن عیالنی اورهدی. اوشبو عیال جزالنتیریلگن دن آلدن، محکمه حکمی اووقیلهدی. حکم گه کوره « مذکورعیال جزالنتیریلگن دن سونگ گناهسیز بولگن و اونینگ توغریسیده صحبت قیلیش اوچون هیچکیم نینگ حقی یوق» دیر.
محلی رسمی لریگه کوره، مذکور واقعه بیر آی آلدن غور ولایتی شهرک تومننینگ خرهسنگ منطقه سیده یوز بیرگن.
شهرک تومنینینگ پولیس قومندانی ضیاءالحق خوشنودنینگ سلاموطندارگه ایتیشیچه، مذکور عیال بیر ییل آلدن تورمیش قورگن ایکن و عایلهوی قینچیلیکلر باعث قوم بویوکلر همکارلیگی اساسیگه تورمش اورتاغی دن ایریلگن ایکن، بیراق بیر آی آلدن طالبلر تامانیدن اوی دن قاچیش عیبی بیلن 30 شلاق اوریلگن.
شهرک تومنینینگ پولیس قومندانیگه کوره، اوشبوعیال حاضرده مسجدنگار منطقه سیگه کیلتیریلگن و امنیتی تامین دیر.
مذکور عیالنینگ صحرایی محکمه ایتیلگن منطقه طالبلرنینگ نظارتیگه دیر.
