په افغانستان کې د ملګرو ملتونو دفتر (یوناما) نن په یوې خبرپاڼه کې ویلي چې د افغانستان امنیتي ځواکونه باید د ټاکنو د ورځې د امنیت ساتنې پرمهال له سیاسي اړخه خپل بېپرېوالی وساتي.
د افغانستان لهپاره د ملګرو ملتونو د سرمنشي ځانګړی استازی تدامیچي یاماموتو وايي، له ټولو ننګوونو سره ـ سره د افغانستان امنتي ځواکونه باید هڅه وکړي چې د ټاکنو امنیت داسې خوندي کړي چې رایهورکوونکیو ته د رایهاچونې زمینه برابروي.
د یوناما خبرپاڼې بله برخه کې راغلي چې د رایهورکوونکیو، نوماندانو او د ټاکنو په مسوولینو هر ډول فشار یا تاوتریخوالی د منلو وړ نهدی.
د کورنیو چارو وزارت ویاند نصرت رحیمي سلام وطندار ته وایي، ټول امنیتي بنسټونه خپلو کې په همغږۍ سره د ټاکنو امنیت خوندیتوب لهپاره کار کوي او د ټولو رایې ورکولو مرکزونو امنیت ساتي؛ خو په هېڅ صورت به د ټاکنو په بهیر کې لاسوهنه ونهکړي.
ښاغلی رحیمي ټینګار کوي چې د کورنیو چارو وزارت نظارتي برخې د نړۍوالو سازمانونو او بنسټونو د اندېښنو لېرې کولو لهپاره د پولیسو له دندې څخه څارنه کوي.
په همدې حال کې د کورنیو چارو وزارت له خلکو، د نوماندانو له ناظرینو، او له نړۍوالو ناظرینو غوښتي، که د پولیسو له لوري د کومې تخطۍ شاهد وو؛ نو سمدلاسه دې د کورنیو چارو وزارت ته په مستقیم ډول احوال ورکړي.
