بدخشان محلی مسوول‌لری، چیت ایل‌لیک ایکّی گروه ترورچی بوندن 15 کون آلدین پاکستان نینگ چترال چیگره‌سیده‌گی توپ‌خانه دوانی آرقه‌لی مذکور ولایت‌گه اوتگن‌لر دیدیلر.
بدخشان ولایتی کینگش نینگ اعضاسی عبدالله ناجی نظری‌نینگ سلام‌وطندار ترماغی‌گه ایتیشیچه، اوشبو گروه‌لردن بیرینی ملا حافظ رهبرلیک قیلگن و 80 کیشی‌لیک ایکّینچی گروه ایسه چچین، اوزبیکستان و تاجیکستان فقرا لری باشقه بیر قوماندان طرفیدن رهبرلیک ایتیله‌دی. عین حالده، او مذکور ترورچی‌لرنینگ انیق سانی معلوم ایمس لیگی‌نی تیل‌گه آلگن.
جناب نظریگه کوره، ترورچی‌لر افغان ملی کوچلری بیلن اوروش قیلمس‌دن یمگان تومنی‌نینگ جخان دره‌سی و جرم تومنی‌نینگ خستک تومنی‌ده ییرلشگن‌لر.
خبرنی تصدیق له گن بدخشان ولایتی‌نینگ والی‌سی فیض بیگ‌زاد، کشفی اداره‌لرنینگ قولگه کیریتگن معلومات‌لری اساسیده 200 چیت ایل‌لیک جنگری بدخشان‌گه کیلگن.
جناب بیگ‌زاد، مذکور ترورچی‌لر پاکستانده بوزغینچی‌لیک فعالیت‌لرگه عاید تعلیم کورگن‌دن سونگ بدخشان‌گه کیلگن‌لر دیدی. لیکن، بو گروه اوشبو ولایت‌گه کیلیشی بیلن هنوزگچه اوروش وضعیتی‌گه اوزگریش کیلمه‌گن دیگن جناب والی.
حاضر بدخشان ولایتی‌نینگ یمگان و وردوج تومن‌لری بوتونلی قوراللی طالب‌لر نظارتیده قالیب کیلماقده.
