بوگون «سهشنبه» کابلده خبری بیر ییغین اوتکزگن مخابرات و معلومات وزیری شهزادگل آریوبی نینگ ایتیشیچه، سیمکارتلرنی نظارت قیلووچی ینگی سیستم قوریلهدی.
اونگه کوره، ینگی سیستم اساسیده، بوتون سیمکارتلر مشخص بولیب و مخابرات وزیرلیگی تامانیدن نظارت قیلینهدی.
مخابرات و معلومات وزیری نینگ ایتیشیچه، اوشبو سیستم ایش گه باشلهگنده، رویخطگه آلینمهگن و ناقانونی سیمکارتلر فعالیتدن قالهدی و مخابراتی ترماقلر تامانیدن مشتریلرنینگ پولی اوغیرلنیشلری توختهتیلهدی.
اونینگ کوپهیتیریشیچه، جادهلرده ناقانونی شکلده ساتیلهدیگن سیمکارتلر ایچکی ایشلر وزیرلیگی نینگ همکارلیگی بیلن توپلنهدی و مخابراتی ترماقلر ناقانونی سیمکارتلرنی ترقتگن صورتده، فعالیت جوازلری مخابرات وزیرلیگی تامانیدن قید ایتیلهدی.
عین حالده، مخابراتی ترماقلرنینگ ایشلاوچیلریدن بیرقطاری، مخابراتی خذمتلر کیفیتسیزلیگی دن شکایت قیلیب ایتیشیچه، یوقاری خرجت مقابلی ده اولرگه کیفیتسیز خذمت ارایه ایتیلهدی.
شو توغریده…
«اترا قییرده؟»؛ مخابراتی ترماقلرنینگ خذمتلریگه قرشی اعتراض
مخابراتی خذمتلرنی 10% سالیغی؛ 4 ییلده چمهسی 14 میلیارد افغانی توپلنگن
هرات 7 تومنیده مخابراتی ترماغلر کیچه تاماندن فعالیت قیلمهیدی
مخابرات وزیری و تلیفون کارتلریدن سالیق توپلش سیستم چیگللیگی
کابل یشاوچیلریدن عبدالولی و راشدنینگ ایتیشیچه، مخابراتی ترماقلرنینگ خذمتلریدن راضی ایمس دیر و پوللری مذکور ترماقلر تامانیدن اوغیرلنهدی.
عین حالده، مخابرات و معلومات وزیرلیگی مسؤوللری نینگ ایتیشیچه، 1397- ییل جریانیده، الکترونیکی حکومتدارلیک رواجلنیشی، ترافیک اوچون الکترونیکی سیستم، موبایل آرقهلی معاش بیریش و پاسپورت آلیش جریانی آنلاین بولگنی مذکور وزیرلیک نینگ اونملی یوتوقلریدن سنلهدی.
