صلاح ناملی مدنی بیر تشکیلات‌نینگ یقین‌ده اوتکزگن سوراو نتیجه‌سیده قولگه کیریتگن حساباتی‌ده، فکر بیلدیرگن‌لرنینگ کوپچیلیگی انتقالی عدالت سیاسی بولمس‌لیگی اوستیده تاکید ایتگن‌لر.
مذکور اداره نینگ مسوول‌لریگه کوره، اوشبو سوراو مملکت بویلب 1000 نفر مدنی فعال اوستی‌دن اوتکزیلگن مصاحبه اساسی‌ده تیارلنگن.
صلاح ناملی بیرلشمه‌نینگ نماینده‌سی صلاح‌الدین درویش‌نینگ بوگون (یکشنبه) کابل‌ده اوتکزیلگن بیر خبری انجمن‌ده سوزلب، فکر بیرگن‌لرنینگ کته قسمی سیاسی وضعیت انابت‌گه آلینمس‌دن سیاستچی‌لرنینگ جنایتی تیکشیریلشی‌نی سورهگنلر دیدی.
جناب درویش، مذکور سوراوده فکری اورگه‌نیلگن‌لرنینگ کوپینچه‌سی تینچ‌لیک لایحه‌سی انیق و هر تامانلمه بولیشی اوستیده تاکید قیلگن‌لیک‌لرینی ایتگن. صحبت بیرگن‌لر، تینج‌لیک مذاکره‌سی اوچون ایکّی تامان نینگ هم پیش‌شرط لری اهالی بیلن شریک ایتلیشی‌نی سورهگنلر دیدی درویش.
تینچ‌لیک مذاکره‌سینی رسمی و نا رسمی دستکلش، تینچ‌لیک مذاکره‌سینی آلغه آلیب باره دیگن اداره رسمیلریدن بولگن ناراضی‌لیک‌لر و عیال‌لرنی اوشبو لایحه‌ده اشتراک قیلیشی بو تیکشیروده مطرح ایتیلگن مساله‌لردن بولگن.
دموکراسی و تینچ‌لیک اوچون تینگ‌لیک اداره‌سی‌نینگ مسوولی ادریس عمرزاده، اوشبو خبری انجمن‌ده، عالی تینچ‌لیک قیلمیشی‌نی تنقید آستی‌گه آلیب ایتیشیچه، مذکور کینگش مملکت‌ده تینچ‌لیک‌نی تامین قیلیش نیتی بیلن کته مبلغ‌نی صرفله‌گن؛ اما، کوزلگن یوتوق‌لر قولگه کیریتیلمه‌گن.
عالی تینچ‌لیک کینگشی بیر لایحه‌گه ایلگن لیگینی بیلدیرگن عمر زاده، بو کینگش کوپراق مالی فساد وجودگه کلیشی‌گه معین بیر شرایط بولگن دیدی.
اوشبو مدنی تشکیلات تینچ‌لیک تامین ایتیلیشی اوچون بعضی بیر معین تکلیف‌لر آلغه سوریشگن.
افغانستان و پاکستان مدنی تشکیلات‌لری اورته‌سیده مذاکره‌گه دوام بیریش، اصلاحات لایحه‌سی آلغه آلیب باریلیشی، تینچ‌لیک مذاکره‌سی جریانی اوچون مدنی تشکیلات‌لرنینگ طرح و لایحه‌سی عملی بولیش، بو جریانگه عیال‌لر حقیقی اشتراک قیلیشی و تینچ‌لیک لایحه‌سی خذمتچی لر تیکین گه ایشله‌شی مذکور مدنی تشکلایت‌نینگ باشقه تکیلف‌لریدن حسابلنه‌دی.
