.jpg)
امینالله پاکستاننینگ بلوچستان ایالتی تامان کیتماق نیتیده دیر. نیچه ساعتلیک سفردن کیین اورتاغینی اوییگه کیتماق اوچون موتردن توشهدی. بیراق یولگه کیتهدیگن بیر چاغیده بیر موتر سیکین سیکین امینالله تامان کیلهدی. یوزیاپیق ایکی قوراللی کیشی موتردن توشیب و امینالله نی زوردن موترگه تشلهیدی. امینالله اولرنینگ کیملیگینی سورهیدی؛ بیراق جواب بیرمهی و بدلیده امینالله آغزیگه بیر رومالچه توتیب اونینگ هوشسیز قیلهدیلر.
کیچهنی یریمیده هوش گه کیلهدی و بیر قرانغو اویده قمراوگه بولگنینی بیلهدی.
گروگه آلگنلر امینالله نینگ کییم و ایاققابی سینی چیقاریب و شونینگدیک قوللرینی هم باغلهگن ایکنلر. قوللرینی آچیش اوچون حرکت قیلهدی بیراق موفق بولمهیدی.
باشی آیلنهدی و نیمه اوستیگه کیلگنینی بیلمهیدی و نهایتده سعی و حرکتدن قول تارتهدی و کوزلرینی یومیب اویقوگه کیتهدی. ایرتهلب اویقودن تورگنیدن کیین چقیرهدی « بیرار کیشی مینی قولیمنی آچسین».
بیر ساعتدن کیین یوزی یاپیلگن بیر کیشی امینالله گه یریم نان بیرهدی. بوکیشی اتاقدن چیقهدی و بیرقورالی کیشی اتاققه کیلهدی. گروگه آلگن کیشیلر امینالله نی سیس چیقارگن صورتده، زیان کوریشی توغریسیده آگاهلنتیرگنلر.
امینالله اشتهاسینی قولدن بیریب و جسمی بوتونلی آغریب تب قیلگن ایکن. شوندی بیرحالده بیر هفته اوتهدی. نهایتده کیچهلردن بیریسی گه ایشیگ آچیلیب و گروگه آلگنلر قوللری بیلن اشاره قیلیب و امینالله نی اتاقدن چیقیشینی سورهیدیلر. امینالله اولیمی کیلگنی توغریسیده ایشانچی کامل بولهدی. قوللرینی باغلب و موترنی اوستیگه قرار تاپگن کانتینر ایچیگه تشلهیدیلر.
نیچه ساعتدن کیین موتر بیر ییرده توختهیدی. کانتینرنینگ اِیشیگی آچیلهدی و گروگه آلگنلر اونینگ یوزیگه سوو ساچهدیلر. امینالله اطرافیده قرهیدی؛ برچه ییر تاغ و دشت و بیر چیکهده اهالی اِیش بیلن شغلنگن.
اوییرده کومیرتاش کانی قرار تاپیب و یوزلرچه کیشی اونگه اِیش بیلن شغلنگن ایکن. مذکور کیشیلر تورلی تیللرگه صحبت قیلهدی ایکن. امینالله کاننینگ بیر بولیمیده قازماق بیلن شغلنهدی.
ایرتهلب پاکستانده رواج بولگن بیر گیلاس «دود پتی» بیلن یریم نان ایشلاوچیلرگه بیرهدی ایکنلر. توش و کیچهده امینالله و اونگه اوخشهگن ایشلاوچیلرگه ساووق دال نخود بیریکنلر.
او ماشینه کبی ایرتهدن آقشام گچه اِیش قیلر ایکن. باشقه ایشلاوچیلر بیلن سوزلش و نهایتده نماز اوقیش هم منع قیلینگن ایکن.
امینالله باشیدن اوتگن حکایهنی تعریف ایتیش جریانیده نیچه مرته کوزی یاشدن تولهدی. اونینگ ایتیشیچه، گروگه آلگنلر قولیدن نجات تاپیش عذاب و دردن قوتقریش ایمس ایکن؛ نیگه کیم پولیس هر هفته اوندن سوراق سورهب و توهین و تحقیر قیلهدی ایکن.
.jpg)
نهایتده نیچه هفتهدن سونگ اورتاقلرینی یانیده یوباریلهدی. او شوندی بیر حالده یوباریلهدی کیم اورتاغلری اونی تانیمهیدی. 12 کون کسلخانه گه بستری بولهدی و اوندن کیین اوزی قندهار شهریگه قیتهدی و حاضرگچه درد دن عذاب گه دیر.
انسان قاچاقی و مهاجرلر قاچاقی قربانیلریگه یاردم بیریش ملی مکانیسمی، افغانستان دولتینینگ انسانی قاچاق و مهاجرلر قاچاقی قرشیسیده کورهش عالی کمیسیونی تامانیدن تیارلندی. اوشبو مکانیسمنینگ هدفی انسان قاچاقی و مهاجرلر قاچاقی قربانیلرینی تانیش، یاردم بیریش و حمایت قیلیشی توغریسیده دولت و مدنی جماعه ادارهلریگه مصلحت بیریش و شونینگدیک قاچاقچیلرنی تانیب و انسانی قاچاق قانونی ( 2017- ییل مصوبهسی) اساسیده قضایی ادارهلرگه تانیشتریش دیر.
ملی مکانیسم (NRM) نینگ 6- ماده سیده، انسان قاچاقی و مهاجرلر قاچاقی گه قربان بولگنلرگه همکارلیک قیلیش اوچون انسان قاچاقی و مهاجرلر قاچاقی گه بولگنلرنی شو شکلده تانیب بولهدی:
- قربان بولگنلر بیلن رسمی بولمهگن بحث
- حرکت و ظاهری شکلدن نظارت قیلیش
- قربان بولگن تامانیدن ارایه ایتیلگن معلومات
- قربان بولگننینگ وضعیتینی تحلیل قیلیش
- انسان قاچاقی و مهاجرلر قاچاقیگه قربان بولگنلرنینگ مربوط بولگن ادارهگه مراجعت قیلیشی
امینالله یوقاریگه یاد ایتیلگن شرایط لرگه ماس دیر؛ یالغیز قیسی اداره و قیسی قانون اساسیگه مراجعت قیلیشی خصوصیده معلوماتی یوق دیر. بیراق دولتی نهادلرنینگ ملی مکانیسم اساسیگه تیزلیککه انسان قاچاقینینگ اوشبو قربانلیگیگه همکارلیک قیلیب و اونی بو یمان وضعیتدن قوتقریشی کیرهک.
قندهار عدلیه ادارهسینینگ باشلیغی نیکمحمد احمدی نینگ ایتیشیچه، انسان قاچاقی خطرلی بیر قیینچیلیک دیر و عدلیه ریاستی مسووللری اوشبو قیینچیلیککه قرشی کورهشیش و یشاوچیلرگه معلومات بیریش اوچون هردایم مربوط بولگن ادارهلر و قندهار یشاوچیلری بیلن ییغین اوتکزهدی
جناب احمدینینگ ایتیشیچه، انسان و مهاجرلر قاچاقیگه قرشی کورهش قانونگه کوره، انسان قاچاقیگه عیبلنگن هر کیشینینگ 10 -20 ییل گهقدر قمراوگه عیبلنیشی ممکن.
قندهار ولایتیده مهاجرلر ادارهسینینگ باشلیغی محمدرحیم رحیمی نینگ ایتیشیچه، جاری ییلده پاکستان چیگرهسی آرقهلی اروپاگه سفر قیلیشنی ایستهگن 300 کیشی قندهار چیگره پولیسیگه تاپشیریلگن. جناب رحیمی گه کوره، مذکور کیشیلرنینگ کوپ قطاری قاچاقچیلرنینگ زورهوانلیگی دن شکایت قیلگنلر.
قندهار ولایتیده مهاجرلر ادارهسینینگ باشلیغی گه کوره، حاضرده حجتی بولگن 721 عایله و حجتی بولمهگن 3313 عایله قندهار ولایتینینگ اسپین بولدک تومنیگه کیلگنلر و اولر وضعیتیگه دقت ایتیلگن.
بیراق قندهار مدنی فعاللریدن بیری احمدالله هیوادوال نینگ ایتیشیچه، حکومت انسان قاچاقیگه قرشی کورهشیشنی ایستهگن صورتده، بیرینچیدن یاشلرگه ایش زمینهسینی یرهتیشی کیرهک.
