د عامې روغتیا وزارت مسوولان وايي، تېرو ۲۴ ساعتونو کې بېلا بېلو ولایتونو کې د کورونا ویروس ۷۵۸ مثبتې پېښې ثبت شوي چې ټول هېواد کې په کووېډ ۱۹ ناروغۍ د اخته کسانو شمېر ۱۷ زره او ۲۶۷ ته لوړ شوی دی.
د کرونا ویروس له دغو ۷۵۹ پېښو تر ټولو ډېرې کابل او هرات کې ثبت شوې دي.
افغانستان کې تېره یوه شپه او ورځ کې د کووېډ ۱۹ ناروغۍ له کبله ۲۴ کسان مړه شوي او ۷۸ بېرته روغ شوي چې د ټولو مړو شوو شمېر ۲۹۴ او د بېرته رغېدلو هم ۱۵ سوه او ۲۲ ته رسېږي.
دې سره ټوله نړۍ کې د کورونا ویروس د مثبتو پېښو شمېر تر ۶ میلیون او ۴۵۰ زرو اوښتی چې له دې ډلې یې څه باندې ۳ لکه او ۸۲ زره مړه شوي دي.
