د عامې روغتيا وزارت په خپل ورځني راپور کې اعلان کړی چې په تېرو ۲۴ ساعتونو کې د کورونا له ۴۲۰ شکمنو پېښو ۷۴ يې مثبتې پېژندل شوې دي چې له دې سره د ټولو مثبتو پېښو شمېر ۳۸۳۹۸ ته ورسېد.
د ياد وزارت د معلوماتو له مخې تېرو ۲۴ ساعتونو کې پر کورونا ۴۶۰ کسان ښه شوي چې د ټولو ښو شويو شمېر ۳۰۵۳۷ ته ورسېد.
د عامې روغتيا وزارت همداراز ويلي چې په تېرو ۲۴ ساعتونو کې د کورونا له کبله ۳ کسان مړه شوي هم دي.
دا په داسې حال کې ده چې هېواد کې د کورونا له کبله تر اوسه پورې ۱۴۱۲ کسان مړه شوي دي.
