.jpg)
کنر ولایتی شلتن تومنی یشاوچیلرینینگ ادعا قیلیشیچه، ملی خوفسیزلیک خاص کوچلرینینگ عملیاتی نتیجهسیده، طالبان گروهینینگ قومندانلریدن بیری و قطار تینچاهالی هلاک ایتیلیب و یرهلنگنلر.
شلتن تومنی یشاوچیلرینینگ ایتیشیچه، مذکور عملیاتده بیر عایلهنینگ بیر اعضاسی هلاک ایتیلیب و باشقه 11 تهسی یرهلنگن دیر و اولرنینگ دولتگه قرشی قورالی گروهلر بیلن هیچقندی رابطهسی یوق دیر.
کنر محلی مسووللرینینگ ایتیشیچه، اوشبو عملیات شریف معاویهنینگ نابود قیلیش اوچون یولگه قوییلگن ایدی و بو گروه و القاعده شبکهسیگه تیگیشلی بولگن 38 کیشی هلاک ایتیلگن.
کنر حاکمی عبدالستار میرزکوالنینگ ایتیشیچه، بو عملیاتدن تینچاهالی زیان کورگن، بیراق بو توغریده تیکشیریشلر باشلنگن.
.jpg)
عینحالده، کنر قوم بویوکلریدن بیری نجیبالله حقیارنینگ ایتیشیچه، اوشبو عملیاتده 8 عیال و 12 باله هلاک ایتیلگن.
جناب حقیار گه کوره، حربی عملیات جریانیده تینچاهالینینگ زیان کوریشی خصوصیده هردایم شکایت قیلگنلر، بیراق هیچ اداره اولرنینگ شکایتلریگه دقت قیلمهگن.
شونینگدیک اسعدآباد کسلخانهسی مسووللرینینگ ایتیشیچه، عیاللر و بالهلر شامل 15 یرهدار بو کسلخانهگه انتقال بیریلگن.
