د کندوز د ښځو چارو رییسه نصیبه هولکر په دغه ولایت کې د پولیسو له لوري د ۴ ښځو د جسدونو موندلو خبر ورکوي.
نوموړې سلاموطندار ته ویلي چې د کندوز ښار د لومړۍ امنیتي حوزې پولیسو څلور ورځې وړاندې د یوې مېرمنې او ۳ نجونو جسدونه موندلي، خو په وینا یې، تراوسه یې د کورنیو غړي نه دي پیدا شوي.
هولکر زیاتوي، یادې ښځې په بېرحمانه ډول وژل شوي او جسدونه یې د څېړنې لپاره عدلي طب ته لېږل شوي دي.
خو د کندوز د امنیې قومانداني مسوولان وايي چې د دوو ښځو جسدونه یې د کندوز ښار په اړوند سیمو کې پیدا کړي او د طالبانو تر واک لاندې سیمو کې په مرموز ډول وژل شوي دي.
د کندوز امنیې قوماندان عبدالرشید وايي، د سیمې خلکو یاد جسدونه ښار ته راوړي چې په وینا یې، په اړه یې څېړنې پیل کړې دي.
