کندوز ولایتی‌نینگ دشت ارچی ولسوال‌لیگی اوتگن کیچه‌دن بیری طالبلر و ملی کوچلر اورته‌سیده یوزبیرگن آغیر اوروشلر گواهی بولماقده. اوز نامی فاش ایتلیشینی ایستمه‌گن بیر منبع‌نینگ سلام‌وطندارگه ایتیشیچه، افغان ملی کوچلری اوتگن کیچه‌دن بیری اوچ تاماندن قوراللی طالبلر اوستیگه هجوم قیلماقده‌لر.
مذکور امنیتی مسؤوللرگه کوره، دشت ارچی ولسوال‌لیگینی قوراللی طالبلر قولیدن قیته‌دن آلیش اوچون تخار ولایتی‌نینگ خواجه غار ولسوال‌لیگی، کندوز ولایتی‌نینگ خان‌آباد ولسوال‌لیگی وامام صاحب ولسوال‌لیک‌لری ارقه‌لی عملیات یولگه قوییلگن. بو ساحه قوراللی طالبلر فعالیتی اوچون چیکلنگن.
منبع‌گه کوره، بو عملیاتلرده افغان ملی کوچلری کوزگه کورینرلی درجه‌ده ایلگری بارگن‌لر.
خبرنی تصدیقله‌گن دشت‌ارچی ولسوال‌لیگی‌نینگ ولسوالی نصرالدین سعدی‌نینگ سوزلریگه کوره، افغان ملی کوچلری بوگون آقشام‌گچه جنگریلرنی مذکور ولسوالیکدن چیقاریشلری ممکن.
جناب سعدی‌گه کوره، افغان ملی کوچلری بونده‌ی عملیات اوتکزیش بیلن قوراللی طالب‌لرگه آغیر تلفات ییتکزگن‌لر. بیراق، تلفات‌نینگ انیق سانی هنوزهم معلوم ایمس.
اما، هنوزگچه جنگری طالبلر تامانی بو حقده بیرار نرسه دیمه‌گن.
قوراللی طالبلر گروهی چهاردره ولسوال‌لیگینی تصرف قیلگندن سونگ، کندوز مرکزی اطرافیده ملی کوچلر آرقه‌لی قورشاووگه آلینیب آغیر تلفات کورگندن سونگ آرتگه چیکینگن ایدیلر.
کندوز ولایتی‌نینگ دشت‌ارچی ولسوال‌لیگی، بوندن نیچه کون آلدین افغانستان جمهور رییسی محمداشرف غنی کندوز ولایتی‌ده‌گی اوروشده محلده خارجی جنگریلر بارلیگینی تیلگه آلگن بیر چاغده قوراللی طالبلر قولیدن آزاد ایتیلماقده.
شونینگ‌دیک بغلان ولایتی‌نینگ ایریم حدودلری قوراللی طالب‌لردن تازه‌له‌نیشی اوچون حربی عملیاتلر یولگه قوییلگن.
بغلان نابرقرار منطقه‌لریده حربی عملیات اوتکزیله‌دی.
بغلان ولایت امنیه قوماندانی عبدالجبار پردلی‌نینگ عاموی اخبارات واسطه‌لریگه ایتشیچه، مذکور حربی عملیات بوگون ایرتلب قوشمه ملی کوچلر رهبرلیگیده یولگه قوییلگن.
بغلان امنیه قوماندانی‌گه کوره، قوراللی طالبلر و باشقه عصیانچی گروه‌لرنی نابود قیلیش اوچون حربی عملیاتلر بوندن نیچه وقت آلدین توخته‌تیلگن. حربی عملیات‌نی توخته‌تیلگن لیگی‌گه بیرینچسی سبب ایکینچی‌لر اوز محصولاتلرینی ییغیش بولگن.
ایتیلیشیچه، دولت قوراللی مخالف‌لری بیلن جنگریلر اورته‌سیده اوروش دوام ایتماقده.
بغلان محلی منبع‌لریگه کوره، مذکور حربی عملیاتلرده تلفات هم بولگن. اما بغلان امنیه قوماندانی تلفات‌لر باره سیده عاموی اخبارات واسطه‌لرگه هیچ نرسه دیمه‌گن.
اونینگ ایتیشیچه، ایکینچی‌لرنینگ اوز محصولاتلرینی ییغیش جریان اوز پایانیگه ایریشیشی بیلن، مذکور ولایتده قوراللی طالبلر بوتونلی نابود ایتیلیشی اوچون ییریک حربی عملیات اوتکزیلماقده.
ایتیلیشیچه، هنوز هم افغان ملی کوچلری بیلن جنگری طالبلر اورته‌سیده اوروش جریانی بار. بغلان پولیس قوماندانی‌گه کوره، عملیات پایانیده قوراللی طالب‌لرگه ییتکزیلگن تلفات باره‌سیده عاموی اخبارات واسطه‌لریگه گزارش بیریلیشی‌نی ایتگن.
