کندهار کې یوه امنیتي سرچینه وايي چې طالبانو بېګاه د دغه ولایت د شورابک ولسوالي په سارکو او د تختهپل ولسوالي په ملید سیمه کې د ملي پولیسو پر پوستو بریدونه کړي دي.
سرچینې چې نه غوښتل نوم یې یاد شي، سلاموطندار ته ویلي چې په یادو بریدونو کې ۱۰ ملي پولیس وژل شوي دي.
خو د کندهار د امنیې قومانداني ویاند جمالناصر بارکزی وايي چې په یادو ولسوالیو کې د طالبانو د بریدونو له امله یوازې یو پولیس وژل شوی او دوه نور ټپیان دي.
د نوموړي په وینا، په بریدونو کې ۵ طالبان وژل شوي او ۹ نور ټپیان دي.
طالبانو تر اوسه په دې اړه څه نه دي ویلي.
د یادونې ده چې طالبانو بېګاه د جوزجان په اقچې ولسوالي کې هم پر ځینو پوستو بریدونه کړي چې له کبله یې ۱۳ د ملي اردو سرتېري او ۲ پولیس وژل شوي او ۶ نور طالبانو له ځان سره بیولي دي.
