د کندهار د اراضۍ رییس نورالله نوري نن خبري غونډې ته وویل چې ډېره په کندهار کې ډېره ځمکه په ولسوالیو کې غصبشوېده.
ښاغلي نوري زیاته کړه، د ولسوالیو امنیه قوماندانانو په همکاري یې ډېره ځمکه له غاصبینو راګرځولې ده.
د ده په خبره، په کندهار کې شاوخوا ۳۸۷ زره جریبه ځمکه د غاصبانو په لاس کې ده چې له ۱۳۸۷ کال راپهدېخوا ترې تر دا مهاله ۱۱۲۱۴۵ جریبه بېرته له غاصبانو راګرځول شوې.
عام کندهاریان بیا پهدې ولایت کې له غاصبانو د ځمکې بېرته راګرځولو په اړه یوه خوله نهدي. دوی وايي، پهکار ده چي د کمزورو ترڅنګ له زوروکیو چي ډېرې ځمکې یې لاندې کړي؛ هم پوښتنه وشي.
د کندهاریانو په خبره، یوازې د کمزورو غاصبانو راکشول او یا له هغوی نه د ځمکو بېرته اخیستل د ستونزې اصلي حل نهدی، بلکې حل دا دی چې له لویو غلو او زورواکیو نه په سلګونو او زرګونو جریبه غصبشوې ځمکه راوګرځول شي.
خو د کندهار د اراضي ریاست وايي چې دغاصبانو ترمنځ هڅ توپیر نهشته او هېچا ته د دولتي ځمکې د غصب اجازه نهورکوي.
ښاغلی نوري زیاته کړه، له غاصبانو راګرځولې ځمکه يې زرګونو ښوونکیو ته د سرپناه تر څنګ په ۸ ولسوالیو کې د قضایي او عدلي څانګو ودانیو او په ځېنو ولسوالیو کې د کډوالو ښارګوټو ته ورکړې او دا لړۍ لاهم روانه ده.
