مملکت سابق جمهور رییسی حامدکرزی، امیریکه و دنیا جماعهچیلیگیدن افغانستان و منطقهده تروریسمگه قرشی کورهشیش خصوصیده یوتوقلری و یینگهیشی توغریسیده معلومات بیریشینی سورهدی، بو کورهشگه موفق بولگن صورتده، قاتل و مقتوللردن بیرینی سیلهب و ایکیسیگه قول بیرمهسی کیرهک.
جناب کرزی چهارشنبه کون 21- اسد خلق ارا یاشلر کونیدن نشانلش مراسمده سوزگه چیقیش قیلیب، پاکستان برابریده حکومت باشلیغلرینینگ سونگی سوزلریدن حمایت قیلیشیگه قوشیلیب ایتیشیچه، تشقی کوچلر و مملکتلر تروریسمگه قرشی کورهشیش اوچون افغانستان کیلگن و انه شو سبب بو ییرده حضور تاپکن.
کابلده یوزبیرگن سونگی قانلی هجوملر توغریسیده، مملکت جمهور رییسی اشرف غنی و اجراییه باشلیغی عبدالله عبدالله، تروریستی گروهلرگه پاکستان تامانیدن یاردم بیریلیشیدن تنقید قیلیب، ایتیشیچه، پاکستان، افغانستان حکومتی بیلن بولگن علاقهسیگه صادق بولمهگن.
جناب غنینینگ اوچ کون آلدین بیر خبری ییغینده ایتیشیچه، پاکستان طالبلر و تروریستی گروهلر اوچون قورال ایشلب چیقارهدیگن ایش خانهلرگه جای بیرگن و شونینگدیک، اوشبو مملکتدن افغانستانگه اوروش پیامی یوباریلهدی.
عین حالده، جناب کرزینینگ ایتیشیچه، اوتکن 13 ییلده تروریسمگه قرشی کورهشیش لایحهسی منطقهده ناکام بولگن بولسه، امیریکه منطقه کوچلی مملکتلری جملهدن روسیه، چین و هندگه علتی توغریسیده معلومات بیریشی کیرهک.
جناب کرزینینگ کوپهیتیریشیچه، بو مملکتلرهم تروریسم تهدیدیگه روپهره و امیریکه اولر بیلن بیردیک بولیب بو خصوصده چاره تدبیر کوریشی لازم.
او، شونینگدیک، امیریکه قوشمه ایالتلری و دنیا جماعهچیلیگیدن پاکستانگه بیرهدیگن یاردملرینی کیسیشینی سورهدی.
مملکت سابق جمهور رییسینینگ ایتیشیچه، امیریکه و بریتانیا حربی ییریک رسمیلری و سیاستچیلری اونگه نیچه مرته پاکستان تامانیدن تروریستی گروهلر حمایه بولیشینی ایتکن. بیراق حاضرگچه بو مسئلهنی کوزگه توتمهی، پاکستانگه مالی و حربی یاردم بیرهدی.
عین حالده، جمهور رییسنینگ مخصوص نمایندهسی احمدضیا مسعود، یاشلردن مملکتده تینچلیک تأمینلنیشی خصوصیده سعی و حرکت قیلیشلرینی سورهدی.
جناب مسعود، تینچلیک توغریسیده پاکستاننینگ سونگی سعی و حرکتلرینی الدهتیش بیلیب و کوپهیتیریشیچه، قوراللی طالبلر حکومت بیلن مذاکره میزی اوستیگه اولتیرگن صورتده، پاکستان، افغانستانده اوروشیش اوچون باشقه بیر گروه توزهتهدی.
جمهور رییسنینگ مخصوص نمایندهسی، دنیا جماعهچیلیگیدن پاکستان اوستیگه فشار کیلتیریشینی سورهدی و بو مملکت طالبلر مرکزی و اویلرینی اوز توپراغیده نابود ایتیشی کیرهک.
جناب مسعودنینگ ایتیشیچه، دنیا مملکتلری بیلهدی، پاکستان تروریستلردن حمایه ایتهدی، بیراق بو توغریده تینچ تورگنلر.
پاکستانگه قرشی تنقیدلر، جاری هفته باشیده کابل شهریده یوزبیرگن تروریستی هجوملر اونلرچه کیشینینگ حیاتیگه نقطه قوییب و یوزلرچه کیشینینگ یرهلنتیرگنیدن کیین اوز اوجیگه ییتیشدی.
