افغانستان فواید عامه، ایش و اجتماعی ایشلر همده تشقی ایشلر وزیرلری نماینده‌لر مجلسی تامانیدن ایشدن آلیندی. مذکور وزیرلر، وزیریلک نینگ ترقیات بودجه‌سینی دییرلی صرفلش‌گه قادر بولمه‌گن لیکلری سبب پارلمان تامانیدن استیضاح ایتیلگن ایدی.
فواید عامه وزیری محمد بلیغ، 164 سلبی، 33 ایجابی، تورت بیکار و 6 آق رای، نسرین اوریاخیل 143 سلبی، 56 ایجابی، 2 بیکار و 5 آق رای شونینگدیک صلاح‌الدین ربانی 140 سلبی، 58 ایجابی، 3 باطل و 6 آق رای آلیش بیلن اوز صلاحیتلریدن چیتله تیلدیلر. عین حالده، نماینده‌لر مجلسی باشلیغی عبدالرووف ابراهیمی جمهور رییس غنیدن ایشدن آلینگن وزیرلر اورنیگه تیزلیک مناسب کیشیلر تانیشتیریشنی سوره گن.
شونینگدیک نماینده‌لر مجلسی نینگ اورین باسری عبدالظاهر قدیر، اوشبو وزیرلر ایشدن آلینگن لیگی نینگ بیرینچی سببی بولر وزیرلیک نینگ 70%بودجه‌سینی صرفله آلمه‌گنلیکلرینی سبب قیلیب کورستگن.
