کابل شهری نینگ یشاوچیلریدن بیرقطاری، برشنا شرکتی گه عاید برق بل‌لرینی پولی تکرارسیز شکلده کوپه‌یگنیدن شکایت قیلیب ایتیش‌لریچه، برشنا شرکتی قانیقرلی سبب‌سیز برق بهاسینی کوترگن.
کابل شهری نینگ 17- ناحیه‌سینی یشاوچیسی طارق مرزبان نینگ سلام‌وطندارنینگ ایتیشیچه، بو دور برق پولی سابق دوره‌لرگه نسبتن تکرارسیز شکلده یوقاری کیتگن.
کابل یشاوچیلری گه کوره، بو شرکت برق پولی‌نی بیرمه‌گن زوروان کیشی‌لرنینگ پولی‌نی کم‌بغل یشاوچیلردن توپله‌یدی.
طارق مرزبان نینگ ایتیشیچه، قیین‌چیلیک‌لرینی برشنا شرکتی بیلن شریک قیلگن‌لر، بیراق بو شرکت حاضرگه‌قدر اولرنینگ قیین‌چیلیگی گه دقت قیلمه‌گن.
شونینگدیک، باشکینت یشاوچیلریدن باشقه بیری نظام‌الدین، برق بهاسی کوتریلگنیدن شکایت قیلیب ایتیشیچه، برشنا شرکتی نینگ ایشلاوچی‌لری، برق بلی‌نی اوقیش ده سلیقه‌یی شکلده یانده‌شه‌دیلر.
بیراق، برشنا شرکتی سوزلاوچیسی وحیدالله توحیدی نینگ سلام‌وطندارگه ایتیشیچه، برق پولی دن شکایتچی کیشی‌لر، برشنا شرکتی نینگ نماینده‌لیک‌لریگه مراجعت قیلیشی کیره‌ک.
کابل یشاوچیلری بوندن آلدین هم نیچه مرته برق بلی‌نی بهاسی کوتریلگنیدن شکایت قیلیشگن. بو شکایت‌لر ینگی‌لیک ده حکومت امان الله نورزی نینگ برشنا شرکتی‌نی ینگی باشلیغی صفتیده تعیین قیلگن بیرچاغده بولگن. یشاوچیلرنینگ شکایت‌لری تیکشیریلیشی خصوصیده، ینگی باشلیغ قنده‌ی بیر برنامه‌لرنی قولگه آلیشی توغریسیده زمان جواب بیره‌دی.
