فاریاب ولایتی کوهستان تومنی نینگ قوم بویوکلری، میمنه شهرگه باریش اوچون یولگه توشگن بو تومن نینگ 30 یشاووچیسی ایکّی کوندن بیری کوهستان تومنی نینگ قرمقول منطقهسیده بند بولیب قالگنلر دیگنلر. اولر، حکومت بو توغریده بی فرق یاندهشگن حالده، انسانی فاجعه یوز بیریشی مکن دیدیدلر.
بند بولیب قالگنلردن بیری سلاموطندارگه قونغراق قیلیب، یولداشلریدن بیرتهسی عالمدن اوتگن لیگی و 11 کیشی نینگ وضعیتی یخشی ایمس ایکن لیگینی بیلدیرگن.
فاریاب کوهستان تومنی نینگ مردمی کینگش باشلیغی داکتر سعادت سلاموطندارگه بیرگن صحبتیده قارده قالگن 30 کیشیدن هیچ درک یوق دیگن.
اونینگ سوزلریگه کوره تومن نینگ قطار یشاووچیلری قارده قالگنلرنی توتقیزیش اوچون منطقهگه بارگنلر، لیکن اولر هنوزگچه بیر جسد تاپیشگه موفق بولگنلر.
فاریاب پولیس قوماندانلیگی نینگ سوزلاووچی عبدالکریم یوریش، بولر فقط میمنه شهریدن کوهستان تامان حرکتده بولگن 15 یولاووچی بارهسیده خبرلری بار ایکنلیگینی تیلگه آلگن. اونینگ ایتیشیچه، میرزایی منطقهسیده قارده قالگنلردن 1 کیشیسی حیاتدن کوز یومیب باشقه 14 کیشیسی قوتقزیلگن.
فاریاب نینگ کوهستان تومنی میمنه شهریدن 120 کیلو متر اوزاقلیکده جایلشگن. ولایت مرکزی بیلن تومننی باغلاووچی یول بوزیقلیگیدن تشقری کته قسمی طالبلر کنترولیده بولگن.
