بغلان ولایتی برکه تومن مکتبلرینینگ اوقیتوچیلرینی ایتیشیچه، بو تومن نی 600 دن کوپراق اوقیتوچیسی و معارف ایشلاوچیسی 3 ییلدن بویان معاشلریدن بیرقنچهسینی قولگه کیلتیرمهگنلر.
سلاموطندارگه کیلگن حجتلرنی کورستیشیچه، برکه تومن آمری و معتمدی مذکورتومن معارف ایشلاوچیلرینینگ حقوقی دن 3 میلیون افغانی نی 3 ییل جریانیده ییگن.
برکه تومن مکتبلریدن 2 تهسینی مدیری سلطانمحمد و غلام سرور برکه معارف ایشلاوچیلرینی حقوقی مذکور تومن معارف آمری و معتمدی تامانیدن ییلگنینی تصدیقلهیدی.
اولرنینگ ایتیشیچه، 1396- ییل نینگ دلو آیی نی آیلیگی (1.5 میلیون افغانی)، 1395-ییل نینگ حوت آیی نی یریم آیلیگی (700 مینگ افغانی) و بو تومننینگ معارف ایشلاوچیلریدن 18 تهسینی اضافه کارلیک حقوقی (400 مینگ افغانی) مذکور کیشیلر تامانیدن تالان ایتیلگن.
برکه مکتبلریدن بیریسینینگ باش اوقیتوچیسی بسماللهنینگ ایتیشیچه، مذکور تومننینگ معارف ایشلاوچیلری نی آیلیگی تالان ایتیلگن توغریسیده تیگیشلی ادارهلرده خبر ییتیشگن، بیراق حاضرگچه بو موضوع حل بولمهگن.
بغلان معارف ریاستی سرپرستی لیلما فقیرینینگ ایتیشیچه، اولرگه بو توغریده شکایتلر کیلگن و بو موضوع نی تیکشیریش اوچون بیر هیأت برکه تومنیده یوباریلگن.
برکه تومنینینگ معارف آمری، محمد جلیل و معارف معتمدی بازمحمدنینگ فکرینی اورگنیش ایستهدیک، بیراق کوپینچه سعی و حرکتلربیلن موفق بولمهدیک. برکه معارف آمری عایلهسینینگ ایتیشیچه، محمدجلیل 3 کوندن بویان اوییدن چیققن و حاضرگچه اوندن هیچ قندی خبر یوق.
برکه محلی منبعلرینینگ سلام وطندارگه ایتیشیچه، حکومت مذکور تومن اوقیتوچیلری نی قیینچیلیکلرینی حل قیلمهگن، بیراق مذکور تومن بویوکلری بیر ییغینده بو تومننینگ معارف آمری و معتمدی اوقیتوچیلر و ایشلاوچیلرگه 2 میلیون افغانی پول تولهش قرارینی آلگن.
