ننگرهار ولایتیده اوچینچی ییریک اسلامی بیلیم یورت نینگ تَمل تاشی قوییلدی. مذکور اسلامی بیلیم یورت پاکستان نینگ اسلام آباد شهریده اسلامی بیلیم یورتی و مالیزی نینگ کوالالامپور شهریدهگی بیلیم یورتدن سونگ دنیا ده گی اوچینچی ییریک اسلامی بیلیم یورت حسابلنهدی.
اوشبو بیلیم یورت تَمل تاشینی قوییش اوچون بوگون ننگرهار ولایتیگه سفر قیلگن مملکت عالی تحصیلات وزیری خانم فریده مومند، 250 میلیون صرفلنه دیگن مذکور بیلیم یورت اون بیش ییلده قوریلیش ایشی یکونلنهدی دیگن.
افغانستان اسلامی بیلیم یورتی اون مینگ طلبه سیغیشی نظرده توتیلگن حالده قوریلهدی. شونینگدیک بو بیلیم یورتده خلق ارا معیارلرگه ماس اولکن کتاب خانه و باشقه اوقوو قوراللری بیلن جهازلهنیشی ایتیلهدی.
عین حالده، اوشبو بیلیم یورت ننگرهار نینگ اونچهلیک امنیتی تامین بولمهگن رودات، بتی کوت و کوت تومنی نینگ ارهلیغیده جایلیشگن بیر مینگ جریب ییرده قوریلهدی.
شونینگدیک انه شو مناسبت بیلن اوتکزیلگن ییغینده اشتراک قیلگن ولایت نینگ والیسی گلاب منگل، اوشبو اسلامی بیلیم یورت قوریلیش جریانی نینگ امنیتی تامین بولیشی اوچون افغان ملی کوچلری هیچ قندهی سعی و حرکتنی اَییه میدیلر دیگن.
حاضر فقط مذکور بیلیم یورت نینگ تورت دیوارینی قوریش ایشی باشلگن. بو دیوار قوریلیشی اوچون 37 میلیون افغانی صرفلهنیشی رسمیلر تامانیدن تیلگه آلینگن.
