اجتماعی و فرهنگی تساوی موسسه‌سی‌نینگ تیکشیروی اساسی‌ده کابل و بلخ ولایت‌لریده 66 فایز عیال خبرچی‌لر، اوشبو ولایت‌لرده جنسی تبعیض بیلن روپه‌ره ایکنلر.
مذکور تیکشیرووده 165 عیال خبرچی‌لر بیلن صحبت اوتکزیلگن، بولردن 50 ته‌سی بلخ‌ده و قالگن یوزته‌سی کابلده ایکنلر. شونینگ‌دیک رسانه‌لر مسؤولی بولگن باشقه 15 عیال بیلن هم یوزمه یوز صحبت اوتکزیلگن.
افغانستان سنتی جامعه‌سیده جنسی تبعیض‌لربیلن روپه‌ره بولگن عیال خبرچی‌لر، بو مسأله اولرگه توسیق بولگن ییریک قیینچی‌لیکلردن ایکن‌لیگی‌نی بیلدیره‌دیلر. بولرگه کوره، اوشبو عمل رسانه‌لرده ایشلب تورگن عیاللر روحیه‌سی‌نی سیندیریش‌گه سبب بولگن.
اولرنینگ بیلدیریشیچه، عایله‌لرده موجود بولگن جنسی تبعیض‌لر سبب بولگن تا عایله‌لر قیزلرینی تشقریده ایشله‌ش اوچون توسیق بوله‌دیلر و ایرکک‌لر اوچون رسانه‌لرده قیسی بیر توسیق یوقلیگی‌گه اشاره قیله‌دیلر.
موسسه‌نینگ باشلیغی معصومه محمدی عیال خبرچی‌لراوچون دادخواه‌لیک قیلیش کنفرانس‌ده، اوشبو تیکشیرو ترقه‌تیش پیتی‌ده ایتیشیچه، 6 آینی اوزیگه آلگن تیکشیرووده، آیلیک حقوقلری، ولایت‌لر و تشقی اولکه‌لرده سفر قیلیش‌لری، ساغلیق‌لری بیمه بولیشی، اضافه ایشلری حقوقی و اولرگه قرشی اوتکزیله‌دیگن خشونت‌لر. مذکور تیکشیرووده کیریتیلگن موضوع‌لردن ایکن.
اوشبو تیکشیرووده 20 دن 40 یاشده بولگن خبرچی عیاللربیلن صحبت اوتکزیلگن و 12- صنفدن تا ماسترلیک درجه‌سیگه قدر تحصیل کورگنلر ایکن.
مذکور تیکشیروده کابل و بلخ‌ده‌گی خبرچی‌لرنینگ 19 فایزی آیلیک آلمسدن و 61 فایزی‌نینگ آله‌دیگن آی‌لیکلری قانیقتیررلی ایمس‌لیگی ایتیلگن. شونینگ‌دیک بو عیال خبرچی‌لردن 40 فایزی هم اطلاعاتدن خبرسیزلیگی ییریک قیینچی‌لیکلریدن دیب عنوان قیلگنلر.
دیمک؛ مذکور تیکشیروونینگ کورسه‌تیشیچه، بلخ‌ده‌گی عیال خبرچی‌لردن کوره، کابل‌ده‌گی‌لرگه قرشی خشونت‌لر کوپراق ایتیلگن. ایتیلیشیچه، کابل‌ده‌گی خشونت‌لردن کوپیسی حکومت یوقاری رتبه‌لی کیشی‌لر و امنیتی مسؤوللر و اوندن قالگنی اهالی تامانیدن عیال خبرچی‌لر اوچون بولگن، بیراق بلخ‌ده‌گی عیال خبرچی‌لرگه قرشی بوله‌دیگن خشونت‌لر، اهالی و اوز عایله‌لری تامانیدن ایکن‌لیگی کورسه‌تیلگن.
اوشبو مرکز تامانیدن اوتکزیلگن تیکشیرووگه قره‌گنده، ترماغلی رسانه‌لرده‌گی عیال خبرچی‌لردن 46 فایزی، ایشیتیله‌دیگن رسانه‌لرده‌گی عیاللردن 27 فایزی و یازیش رسانه‌لرده‌گی عیال خبرچی‌لردن 13 فایزی کابل و بلخ‌ده ایش قیلیب کیلماقده‌لیگی‌نی کورستگن.
ینه بیرتاماندن افغانستان ایرکین رسانه‌لریدن حمایت قیله‌دیگن نهاد(نی) باشلیغی مجیب خلوتگرنینگ سلام‌وطنداربیلن اوتکزگن صحبتی‌ده، اوتگن ایکی ییل‌گه قره‌گنده عیال خبرچی‌لرنینگ رسانه‌لردن آزه‌یگن‌لیکلرینی کورسته‌دی دیگن.
جناب خلوتگرنینگ اورغوله‌شیچه، ایکی ییل آلدین اولکه بویلب 2700 دن آشه عیال خبرچی رسانه‌لر بیلن ایشلب کیلرکن. بو سان اوشبو ییل‌ده 2400 یوز کیشی‌گه ییتیب کیلگن.
جناب خلوتگر اولکه بویلب عیال خبرچی‌لرنینگ آزه‌یش دلیلی ناتینچ‌لیک و حکومت باشلیغ‌لرینی توجه سیزلیگی دیب عنوان قیله‌دی.
عین حالده، اوشبو ییغین‌ده قتنشگن کینگش نماینده‌لریدن بیری فوزیه کوفی سونگی دهه‌ده خبرچی‌لرنینگ ایشلرینی آلقیش‌گه سزاوار بیله‌دی. او، حکومت و جامعه اوچون رسانه‌لرنینگ قیلگن ایشلرینی تأثیرلی بیله‌دی.
خبرچی‌لرنینگ معلوماتلرگه قوللری ایتیشمه‌گن‌لیگی، تهدید و حکومتی رسمی‌لر تامانیدن خبرچی‌لرگه قرشی یمان سوزلردن استفاده قیلش‌لری، اهالی و امنیتی قیینچی‌لیکلر بیلن هردایم عیال خبرچی‌لر روپه‌ره بولیب کیلگن‌لر.
