افغانستان سوو برق وزیری علیاحمد عثمانی کابلده ییرآستی سوولردن نا توغری شکلده فایدهلنیله یاتگنلیگی بارهسیده آگاهلنتیردی.
جناب عثمانی، ییر آستی سوولرنی چقور قودوقلر آرقهلی نا توغری فایدهلهنیلیشی کیلگوسی 15 ییلده کابلنی سوو تنقسلیگیگه روپه ره قیلهدی دیگن.
بوگون کابلده ایکّی کونلیک کنفرانس « افغانستان ییر آستیی سوولرملی کنفرانسی» نامی آستیده یولگه قوییلب، ییغیندن نیت کابلده ییر آستی سوولردن قندهی فایدهلهنیش لایحهسینی ایشلب چیقیش بولگن.
سوو برق وزیرینینگ مذکور ییغینده ایتیشیچه، حاضرگی کونده 5مینگ چقور قودوق کابلده نا قانونی شکلده و حجت سیز فایدهلهنیلهدی.
جناب عثمانی، ییر آستی سوولردن درست فایدهلهنیلیشی اوچون مدنیت سازلیک همده اهالی اگالیگینی آشیریشگه احتیاج بار دیگن.
عین حالده، ییغینده اشتراک قیلگن جمهور رییس نینگ یخشی حکومتچیلیک اوچون مخصوص نمایندهسی احمد ضیا مسعود، ییر آستی سوولردن یخشی فایدهلهنیلیشی اوچون اساسی لایحه ایشلب چیقلیشی ضررور دیگن.
جناب مسعود، مملکتده ناقانونی قودوق قازیشلر آلدی آلینیشی بارهسیده تاکیدلهگن.
اونگهکوره، سوودن ناقانونی فایدهلهنیش نینگ آلدی آلینمهگن حالده، مملکتده کته اجتماعی فاجعه یوز بیریشی ممکن.
جناب مسعود، افغانستان حکومتی ییر آستی سوولر مدیریت و انیق تیکشیریلیشی اوچون معین برنامهسی بارلیگینی ایتگن.
ییر آستی سوولر حددن تشقری فایدهلهنیلیشی، افغانستان دولت رسمیلرینی بو توغریده اهالی آگاهلیگی آشیشی اوچون ییریک ییغینلر اوتکزیلیشیگه اونده گنلیگی ایتیلهدی.
افغانستان سوو برق وزیرلیگی نینگ تخمینیگه کوره، کابلده 29 میلیون متر مکعب سوو موجود.
