بوگون «پنجشنبه» کابل‌ده کانکور سیناوی باشله‌نیش مراسم‌ده عالی اوقوو وزیری نجیب‌الله خواجه عمری‌نینگ ایتیشیچه، 1396- و 1397- ییل کانکور سیناوی بیرینچی مرته جاری قویاش ییل، 9- حمل‌ده لوگر، پنجشیر، بادغیس و نیمروز ولایت‌لریدن باشلندی.
اونینگ کوپه‌یتیریشیچه، بو ییل کانکور سیناوی مراجعتچی‌لری‌نینگ رقمی 145 مینگ و 891 کیشی دیر و بو جمله‌دن 2 مینگ و 513 کیشی دینی مدرسه‌لردن فارغ بولگن‌لر.
عالی اوقوو وزیری گه کوره، کابل حوزه‌سیده‌گی کانکور مراجعتچی‌لری، دینی بیلیم، 14- صنف و کیچکی تامان شامل 57 مینگ و 929 کیشی دیر.
عالی اوقوو وزیری‌نینگ ایتیشیچه، جاری قویاش ییل کانکور سیناوی‌نینگ نتیجه‌سی 10 اسد گه‌قدر اعلان ایتیله‌دی.
کابل حوزه‌سی کانکور سیناوی‌نینگ بیرینچی دوری بوگون "پنجشنبه" یولگه قویلدی و 14 مینگ 664 کیشی اوشبو سیناوگه اشتراک قیلیب اولردن 5 مینگ 44 ته‌سی نی قیزلر تشکیل بیره‌دی.
یرته اوشبو سیناو ایکینچی دوری بولیب اوته‌دی و 14 مینگ 954 کیشی‌نینگ بو دوره ده اشتراک قیله‌دی.
عالی اوقوو وزیرلیگی‌نینگ رسمیلریگه کوره، کابل حوزه‌سی‌نینگ کانکور سیناو نینگ اوچینچی و تورتینچی دوری هم ییقین کیلجکلرده یولگه قویله‌دی.
کانکور سیناویده اشتراک قیلگن‌لردن ایکی ته‌سی تبسم و مژگان، دولت و عالی اوقوو وزیرلیگی دن کانکور سیناوی نی تینیق بیر لایحه گه اوزگرتیریشی نی ایسته‌یدیلر.
اولرنینگ ایتیشیچه، بو سیناوگه نتیجه‌سیز قولگن کیشی لرنینگ تحصیل لرینی دوام بیریش اوچون دولت تامانیدن زمینه یره‌تیلیشی کیرک.
دولتی عالی اوقوویورت لرنینگ 62 مینگ 662 کیشی، اورته تحصیل موسسه‌لرنینگ 53 مینگ و 770 مینگ کیشی و دینی مرکزلرنی هم 1 مینگ و 150 کیشی نی جذب قیلیش اوچون ظرفیتی بارلیگی ایتیله‌دی.
گزارش لرگه کوره، مملکت 34 ولایتی دن یالغیز ننگرهار ولایتی ده کانکور سیناوی آلینمه‌گن و کیلسی اوچ کون گه‌قدر مذکور ولایت ده بایومتریک لایحه‌سی‌نینگ باشله‌نیشی ممکن.
